مايبطـــي الظالم

[علي ابن نهايه]

بسم الله المعبود والنافع الضار = سبحانه اللي دبر الكون تدبير
ابدى بذكره عد ماهل الامطار = واعداد مانبت الزهر والنواوير
سلام سنه ياطويلين الاعمار = وش حال ابو فيصل عسى حاله بخير ( الله يرحمه)
وش حال ابو متعب وسلطان يادار = وش حالكم ياهل الوطن والجماهير
زود القدر ينصى طويلين الاشبار = والله يجمل شان من جاكم يسير
وازكى التحيه يالنشاما بالاشعار = فواحة وتعطر الجو تعطير
من ريحة الازهار ومن زين الاشجار = ومن شعب ابو مبارك ومن جابر الخير ( رحمة الله عليه
ياشيخ تسمح لي اعزي لي كبار = وسط الحشاء منصوب بيت الهوامير
وانقل تعازي ديرتي كويت الابرار = لاهل السعوديه وكل الاساطير
ياشعبها اللي يكرم الضيف والجار = ويادارها اللي تكسر الشر تكسير
مايبطي الظالم علا مر الامرار = لان الظليمه حد والذات تنفير
وماهي لنا ياعالم عقول الاحجار = وماكل من جاب الخطا فيه تقصير
وماكل عقل ياهل الانظار منظار = وماكل شر ٍ ماهقيناه ويصير
من ربك اللي محسن سير الانهار = ومن ربك اللي يسعد القلب ويجير
ويالظالمين اصحوا ترى الاخره نار = ويامدعي التفسير وش ذالتفاسير
ماهي غصيبه انك تصير مختار = وطاعة ولي الامر من فوقك تصير
والامن امن الدين من كل زمار = والكون يشجب شرع الارهاب تفجير
وش ذنب مسلم جيته بكل الاضرار = وش ذنب طفل تقتله يوم تطهير
اهل الخطا غاوين في كل الاديار = واهل الخليج اصل العرب دمهم غير
بدين المعزه والتسامح والاصرار = في نصرة الاسلام والحق تنصير
ياللي تجاهد حجتك كذب وجهار = ماهو جهاد ٍ تبلي الناس تزوير
نور المساجد صعب يطفون الانوار = بشيوخنا القرّاء كفء المنابير
اللي خذوا في نصرة الدين مقدار = والله عطاهم بالمنازيل تقدير
يامدعي الاصلاح في بث الاقمار = ياداخل بعقول الانذال تشفير
ياشلة التخريب والعيب والعار = يازمرة الشيطان ويامجنب الخير
يالابس ثوب التحاريف وش صار = وملبس التهمه علا هالتفاكير
في لحظة صار المساليم كفار = وفي لحظة كل لقاله مناصير
شوهت سمعتنا علا لمح الابصار = تعكس صور الاسلام في صالح الغير
يا أ رض السعود اقضي علا كل عثار = ذلـــي وطاه بروس حدب الشواطير
الفهد سيف للعدوين بتار = وياخادم البيتين هذي المقادير
شفت الرماح بعينك تذل الاشرار = وشفت الشجاعه والوغى والاعاصير
نور الشهامه والوفاء نور الانوار = ونور المعاني فالها النور تنوير
ومن طيبتك يافهدنا كلمت الاشعار = حسيت في صدرك رجال مناعير
ومن نظرتك يافهدنا جبت الاقرار = حفظ البلاد المنعمه بالمناظير
ومن رفعة حجاجك صمد كل مغوار = دواس راس العابثين المعاثير
اللي جرفهم بالخطا كل تيار = واللي بلوا الاسلام في كل تفكير
وابو متعب عبدالله الشهم ظفار = فوار دم الضد فور النوافير
هذا الحرس والله فلا هان يادار = ودرع الجزيره والسرايا محاضير
خلوا مع المشعاب للخفجي غبار = حامين بامر الله ديار مجاوير
وسلطان ياسلطان للجو طيار = وللبحر موج سطر الموج تسطير
شب اللهب للي خذى انذار وانذار = ورجالهم بمدرعات الجنازير
ومن عينه اليمنى وصل كل مشوار = ومن عينه اليسرى طويل المشاوير
وبعيونه الثنتين للشعب دوار = لاهل الوطن والشعب يحسب له كثير
يحسب حساب الجيل وهو مابعد صار = الله يزيده عمر مع كل تطوير
والله يطول عمره بزو د الاعمار = والله يقصر حبل الانذال تقصير
والله يجازي المعفي بدرب الاخيار = والله يسفر وجه الايام تسفير
والله يرجع كيد الاشرار منهار = وبنحورهم يارب زدهم تقاهير
تطهير ذنب لو علا لعبة قمار = وتحصين قلب للضلوع المكاسير
وسعدك ولي العهد للضد قهار = سعد بن عبدالله بيوم المعاسير
يارض الكويت ارضي صواديف الاقدار = شعب فدى واعلن ولاء النواصير
ومن ساوم بدنياه في نصب الاوكار = يبطي كسير الوكر عند الجبابير
مع دعوة الراجين في كشف الاسرار = تكشف وطاكم يالكلاب المساعير
بمكافح الارهاب باثنين شطار = مع فزعة رجال الامن والمخابير
نايف بعمره حامي الدين والدار = قصار عمر اللي علا الناس تخسير
ونواف درع للمقابيل هدار = هدار دم الكافرين الاشارير
يامن فدى موطنه ثم زارمن زار = قبر دفنا فيه ناس طواهير
عزيت نفسي ثم عزيت الازهار = وبشرت نفسي ثم بشرت بالخير
موت الشهيد وسام ياسيدي البار = عند الإله اللي يجونه مسايير
في جنة ماتفتح الباب للضار = او فاسق ماشاف ضيق المقابير
يالله يامعبود يارب الاقدار = يارافع سبع السموات تدبير
تغسل قلوب اللي غريبين الاطوار = وتعفو الخطايا للظلوم المظارير
واحم الوطن يارب من كل غدار = ( واجبر عزى لبنان في يوم تفجير
موت الحريري بإغتيالات الانصار = وهدم المباني والضحايا محاصير
راس الغنيمه عندهم عجة غبار = وارهابهم سوى علا الدين تغبير
سفك الدماء اللي يسمونه الثار = ياعذرهم مايدخل العقل ويصير
وختامها يامنزل الغيث مدرار = نزل علينا الغيث يوم التباشير
وصلوا عدد ماطار من طاير طار = لمحمد اللي صور الدين تصوير
في دعوته خلا علا الدرب معبار = خالف دروب الشر من يومه صغير
يامرشد الغاوين في درب الاحرار = والداعي اللي شافع للمعاذير
صلوا عليه وسلموا عد مازار = ارض الحرم واعداد مايبدي عصير

[/size][/size][/poem][/poem]

[حمد المخيال]

جزززززل

صح الله لسانك

وافي وشاعر له في قلوبنا كل حب واحترام

لاهنت ودام ابداعك

تحياتي وتقديري

[سعود الخويطري]

صح الله لسانك ياعلي



قصيدة جزلة من شاعر جزل وومتميز





بيض الله وجهك لاعدمناك



تقبل سلامي واشواقي

الخويطري

[عبدالعزيز الشامري]

الشاعر القدير ( علي ابن نهايه )

صح الله لسانك وعلا شانك

قصيدة في منتهى الروعة الأدبية

أسلوبك فيه شبه من أسلوب شاعر العجمان الكبير ( عبلان العجمي )

ورحم الله الشيخ جابر

ورحم الله خادم الحرمين الملك فهد


تحياتي لك طال عمرك


أخوك / عبدالعزيز الشامري / مملكة البحرين

[سعود بن تركي ( العديم )]

صح لسانك يا علي


واعتلا شانك باذخه من شاعر حقيقي


وحقيقة ان الابداع لم يكتمل لعدم تنسيقها


بشكل جميل على رغم جمالها ..!



أخـوك


الــــعــــديـــم

[بندر العجمي]

الشاعر القدير ( علي ابن نهايه )





صح الله لسانك وعلا شانك









قصيدة في منتهى الروعة الأدبية





ورحم الله الشيخ جابر ورحم الله خادم الحرمين الملك فهد




اخوووووووووكـ



بندرررررررر