[محمد بن سعود بن ضبان]

السلام عليكم ورحمة الله وبركاته

أعضاء وزوّار

منتدى مجالس قبيلة العجمان الرسمي

أسعد الله أوقاتكم بكل خير

هذه القصيده رد على قصيدة الأخ الغالي / مترك العمره ( ابو نايف )

التي أرسلها لي من لندن بعنوان (( بعض العرب !!! ))عبر موقع مجالس العجمان الرسمي

وسوف تجدونها على الرابط التالي

http://www.alajman.ws/vb/showthread.php?t=50507




وأترككم مع الرد عسى أن يحوز على رضا الأخ الغالي / ابو نايف وأن يرتقي إلى ذائقتكم

يا هاجسي حضّر من القاف مردود = ردِ ينومس راس منهو حْضرت به
للشاعر اللي صعب ما بيّح سدود = ابيات شعره لا حشى ما هفت به
ياليت مابيني ولا بينه حدود = والنفس نعطيها على ما نوت به
في ديرةِ ضمت من أكراد وهنود = فدروبها خطوى القدم ما عنت به
في جو رذراذ المطر يروي كبود = واا قلبي اللي نبتها خضّرت به
تشبح سماها كن وسط الفضا عدود = ومزون ربي ضافيه وإمتلت به
الجو رايع والخوي إرتق سنود = تزهابه أبيات الشعر لا حكت به
به ميزةِ تصعب على اللآش وتكود = مضحك حجاجه للخوي لعقدت به
نعم الخوي مترك على العز معهود = شف النشاما بالفعل شيّدت به
قرم وشلي يفداه من فيه منقود = نوماس منهو هموم ليله سرت به
ياهاجسي له ساس بالطيب مشهود = سلايلِ مع نسلها حدّرت به
من نسل إبن عمره عسى نسله بزود = وافي الخصايل والطناخه سطت به
والعلم لا جات المثايل على العود = أبيات شعري لا حضر رحبت به
يا مرحبا يالمسك يالطيب يالعود = وعداد مافوق البحور وحوت به
باللي ليا من الليالي غدت سود = من طيب راسه ما بعد غيّرت به
اللي على العليا له أطناب وقيود = ولآ النذل رجله خست ما رقت به
ابو بدر اللي به الطيب محشود = مدهال ربعه والعواني فْخرت به
والعذر كان الرد بالزود ممدود = في بحرها الشاعر سهى وأبحرت به
من طيب فعل اللي له المدح مقيود = قريحة الشعر الجزيل نشدت به
وبعض العرب لاراح ماهوب مفقود = وبعض العرب يا سعد عينِ هنت به

وسلآمتكم ورضاكم