السلام عليكم ورحمة الله وبركاته :
هذي أول مشاركة لي بهالقسم أتمنى تعجبكم .. طبعا مو أنا اللي كاتبه هالكلام لشاعر أتوقع اسمه فواز ..وان شاء الله ماتكون آخر مشاركه ..
يبه دخيلك خونوا فيني ازمان
من غبت عني والمشاكل تجيني
هذي جزاتي بالوفا صرت انسان
وهذي نوايا الوقت يابوي ويني
اصبحت روح تمتلي هم واحزان
من غبت عني اغرق الدمع عيني
يبه دخيلك كل فعايلك لك شان
أثمرت مجدك في ليالي سنيني
اسمع صدى صوتك ينادي بالايمان
كنك رسمت النور بينك وبيني
والحين غايب والعدو صار شمتان
من عقب يركع في خطاوي يميني
يبه وموتك كسر شموخ فرسان
يرحمك رب الخلق والدين ديني
يبه دخيلك هالبشر دوم نكران
مهما تقدم يخذل الصيت طيني
يبه دخيلك خونوا فيني ازمان
من غبت عني والمشاكل تجيني