لهم قلوب بعدد جزر أندونيسيا : قبل لا أكمل تدري طرت علي كلمتين ترددت على مسامع أخيك ياكثر ما سمعتهم يقولونها . . . بس مهوب لي ياكبر قلبه . . . و ما معه قلب : مدري ليه يا غشام طرى علي السرندل ياوا هني إللي قلبه مثله مايهمه شي حتى لو كثرت عليه الكوارث و تحاولوه المعبط : نرجع للجزر قصدي القلوب تدري لو يمر عليها مية تسونامي ولا ينبط فيها شريان واحد شل ذا و حط مكانه ذيا . . . تبديل كامل . . . ترميم مايمشي عندهم : ودي استغل طيبتك . . . قصدي موضوعك و قاعد أفكر بكلامك . . . محد يتعلم حتى لو ياكل هبده قويه تراه بيطمر . . . إنت سويت حادث و تعلمت : شوف هذا بيتعلم و للا لا شاب من البدوان ( و حطها بين قوسين ) مصمص عافية شيباته لين اشتد عوده . . . !!! تباشروا فيه ربعه و جماعته وديرته . . . إيه على البركه غدا رجال وصالح . . . ؟؟؟!!! سمع بحكمة للعلم تشد الرحال . . . شد الرحال لأحد الدول الملوية ( الغربية ) حط طائرة الميون . . . هنااااك . . . أول هفة مقيط تبققت عيونه و خفس قلبه . . . و إنلحس مخه لقم سيجار الإدبار و إعتمر قبعة النكران . . . و إمتطى صهوة الفتنة و ولج جحر الضب : المسكين حالته حاله . . . صار مُوَلَّد الفكر . . . لا لذولا و لا لذولاك بس ذولاك مالت الكفَّة لهم فهم أهل الجحر : أتعلم ياغشام . . . أول شهادة ( وفاة ) له ماهي . . . ؟؟؟ كانت في التنكر لجميل الشيبان و قذف الربع و الجماعة و الديرة مهيب أحشم منهم وكانت بدرجة السيعه و بمرتبه االضيعة : لم يعلم هؤلاء الضائعين . . . لو صكت فيهم الدنيا مالهم إلا أهلهم و ربعهم و ديرتهم : بس مايتعلمون لين يطيح الثور ليتهم مثل ماقلت ( يفكرون فيها شوي ) : و بالمناسبة ياغشام مادام ما معك قلب ماتبي قلبي لك هديه . . . علشان تفلح مضبوط : تراه أحسن لك من القلب الصناعي : ولا عاد تقرب لطوف الشيوخ : الغالي غشام كم أشتاق لحرفك وأعشق فكرك وإن كنت مقصر في حقك حفظ الله لك قلبك : ود يليق بمقدمك و لا ننسى صاحبك : محبك فيصل المخيال
التوقيع