احدى الاخوات من اهل هذه البلاد الطيبه المملكه العربيه السعوديه حرسها الله وحفظ اهلها وولاة امرها من كل شر ومكروه . هذه الاخت حصل ابنها على بعثه دراسيه في الخارج فشتاقت اليه وارسلت له هذه الابيات تبث له وجدها وتحثه على التمسك بمكارم الاخلاق التي حث عليها ديننا العظيم و ان يكون خير سفير لبلاده في تلك البلاد البعيده .
فأليكم هاذه القصيدة الجزله ألله يحفض عبدالله ويرده على أمه:
البارحه ما بغيت النوم سهرانه " النوم ياتي وعيت تقبله عيني
واصبحت كني على اهل البيت زعلانه " ماداني اللي على فاله يحاكيني
كني خلوج ولدها راح في شانه " خموه واقفى مع ناس مقفيني
عارض هجيج تهج المال رعيانه " واقفى مع حولة والبدو عجليني
ولا ظمايا ترجى الدلو عطشانه " هي في رجا دلوها والناس مرويني
مابه خلوج تجر الصوت غلطانه " الا لها سبة والناس داريني
ياطير ياقاطع البيدا بجنحانه " يقطع بعيد الفيافي بالجناحيني
لا صار عندي مراسيل لها خانه " عسى تودي سلامي للمحبيني
خط عليه اسم عبدالله وعنوانه " واشوف خطي متى رده بياتيني
الله يعقله على راجين عقلانه " اللي على جيته قدهم شفييني
امس وهو عندنا من حسبة اخوانه " واليوم في ديرة الاجناب الاقصيني
ياطول ماهو ترجى الورع شيبانه " ابوه وامه وباقي الربع الادنيني
اوصيك يا مسندي بالدين و اركانه " وصبرن على الكايده فالعسر والليني
ذي حكمة الرب في المخلوق سبحانه " يبعد قريبين و يقرب بعيديني
ياطارش من بلدنا صوب غرضانه " زوار ولا من اصحاب الدكاكيني
سلم على من نشد عن حال عربانه " لاجيت لك غالي من يم غاليني
تقبلو نقلي وأرجو ان يحوز علي رضاكم واستحساانكم
ALAJMI