( بحر الحزن)
,
,
,
يا صاحبي لو تعقد الحبل محلول=لا تعتذر بأعذار ماهي سمينه
جريمتك ما سجلت ضد مجهول= مجرم وسكين الجفا في يمينه
معقول تنساني بلا ذنب معقول=وتنسا ليال الحب واحلى سنينه ..؟
تركتني ..ضايق / وضايع/ ومذهول=من شافني يدعي عسا الله يعينه
كنت ..الفرح /والشوق / والماس /واللول=واليوم ورّثت الجروح الدفينه
سبحت (بحر الحزن) بالعرض والطول=مدري متى يلفي شراع السفينه
لاحّول يا فرقا المواليف لاحّول= الله يعين اللي مفارق ضنينه
بأصبر على جور الليالي وانا اقول=( من شان خاطر عين تكرم مدينه)