أعالج لوعـة المغـرم وتكبـر لهفـة المشتـاق
بحسن إرضاي آسوق خطاي اقدّم رجلي وأفهقهـا
وأهوجس من طلوع الشمس إلي مع غيبة الأشفاق
ورجلي في ظـلام الليـل مـدري وش يوافقهـا؟
أبصبّر وآتصبـر مـار آظـن الصبـر ماينطـاق
لقيت الصبر مُـر ولـو ينـوش الكبـد يحرقهـا
ألا ياكامليـن المعرفـه سلـك الغـرام دقــاق
إلـى صـاب القلـوب الله يعافيـنـا يخرقـهـا
أنا لي صاحبٍ خـده وراء الشيلـه كمـا البـرّاق
بعرض المزنه اللي مثل شمـس الظهـر بارقهـا
خلقهـا الله وزيّـن خلقهـا وأخلاقهـا الـخـلاق
قليـلٍ جنسهـا فـي جيلهـا سبحـان خالقـهـا
لها عينٍ ليـا لـدّت بهـا تذبـح بهـا العشّـاق
وبها وصفين من عنق المهـاه وطـول عاتقهـا
إلى ماشفتها ضاقت بي الدنيـا وصـدري ضـاق
وأنا لـو الهـوى لـي كـان عينـي ماتفارقهـا
أحب مشاهد الغالي عسـى ماهـو بحـب فـراق
ولو راح اتبعـه فـي مغـرب الدنيـا ومشرقهـا
إلى عرّض علي آقف مثـل وقفـة كسيرالسـاق
وساعات الوداع أسـرع مـن الكدلـك دقايقهـا
أنـا ويـاه جدّدنـا القسـم والعهـد والميـثـاق
ولكـن قـدرة الله سابـقـه مـحـدٍ يسابقـهـا
تعاطينا العهد في واحـدٍ مـن عاهـده مـا بـاق
مـادام إن الثقـه بالنفـس يلزمـنـا نوّثقـهـا
وأنا أعـرف نـاس ماتنقـاد بالدنيـا ولاتنسـاق
ولـو تعطيـك عهـد الله وأمـانـه لاتصدقـهـا
تشوف أزوالهم مثـل العـرب مـار الله الـرزاق
متى ماهـبّ نسنـاس الهـوى يظهـر حقايقهـا
غشام
الله لا يهينك
إستمتعت بكل ما تحمله الكلمه من معنا عند قرائتي هذه القصيده الأكثر من رائعه
ناصر الشايع من فحول الشعر الشعبي قصايده متداوله بين الناس وقريبه من القلب
صح لسانه
ولاهنت على النقل
تقبل مروري