[الـحـلـو]

السلام عليكم ورحمة الله وبركاته ::: قصيدة للشاعر المبدع ماضي العظيمان العجمي :: قصيدة مباركة و تهنئة في زواج آل مناع آل شامر العجمي ::


يقول ::

سلام وافي كيل و مدبّل الصاع=و يقال وجه الوجه ماهو إطباعه
و تحيّة(ن) ورودها الرطب ينّاع=ذعذع شذاها من حدايق إزراعة
على { هل الحفلة } على القرم { منّاع }=على الحضور و كل شاعر و باعه
و إن كان به شي(ن) يسمونه إبداع=هلّ القصيد امامك و إبتداعه
ماهي مجلة بين شاري و بيّاع=ولاّ أثير اصواتنا بالاذاعه
عنيت و المقصد و شفي و الأطماع=ألبّي الدعوه ابفزعه و طاعه
و معي على الخوّة ارجال(ن) لهم باع=خوتهم أغلى كسب و أكبر بضاعه
حمّاية الذيدان عسرين الأسناع={ مريّة(ن) } غمّ العدو و ضياعه
نمشي من { الدمام } و نطوّي القاع=ناخذ على الفكس آر ساعه و ساعه
نحمل تهانينا ورى حدب الأظلاع=للّي منازهم ابروس الرفاعه
{ عجمان } و { العجمان } شيخان و سباع=و { شامر ولد مسعود } رمز الشجاعه
{ شوامر(ن) } صفّوا على الطيب بإجماع=شيخة و عز و جود و أحلى قلاعه
مشعاب سمر(ن) للمعادين قذّاع=و بيض الهنادي و الظفر و البراعه
و دلّة كرم يعبا لها خمسه أنواع=و حيل(ن) اتبرّك من زمان المجاعه
و انا امدح الوافين مانيب طمّاع=الاّ ابرك الأيام و آخير ساعه
اغذّي ابمدح المشاكيل الأسماع=مدح(ن) ينومس كل قرم إستماعه
وش عاد لا صارو جميلين الأطباع=عواني ، و ربع ، و خوال ، و جماعه

و سلامتكم :::: الـحـلـو :::