(( ضمن حملة التضامن مع شاعرنا : محمد إبن الذيب
مجارات للشاعر / مبارك بن رادعه العرجاني واللذي كانت قصيدته بعنوان
( مقدم تميم )واللتي كانت أبياتها كالآتي :
وردت هقاوينا بزين الطواريق=عقب الجزو تبغى القراح الرهاوي
في دار شيخ ً مثل سنجار وطويق=مقدم تميم مبعدين الهقاوي
حامي قطر منصى الرجال المطاليق=ضلع الخليج اللي من الشرق هاوي
يا امير ماباقي على الوضع تعليق=مرت ثلاث شهور والا حراوي
الجرح ماكن بالضلوع المعاليق=ولا غير ميقافك تطيب مداوي
اطلق صراح الحر والعلم تدقيق=ترا محمد يا ابو مشعل نداوي
لا يرتضي الهين ولا يرغب الضيق=وان جاء لزوم الدار ياتي نداوي
من يام سقم الضد واهل المواثيق=كسابة الطوله كبار العزاوي
أما قصيدتنا فهذي هي و الله يجعلها ضمن موازين أعمالنا و تآخينا مع بعضنا البعض
ياراكب اللي بطنونهن مطاريق=طرفا ً ليامن صار مشيه رخاوي
عرندسات ٍ والمناكب مفاهيق=مدّن من فليج الحفر والصداوي
تاصل هديب الشام شيّال ماعِيق=لاصار ماشيل الحمول امتساوي
مجلي هموم ٍبالصدور المغاليق=ومِيسِرعلينا كايدات الشكاوي
(حاكم قطر)شمراخ روس الشواهيق=قضعيل الأرياء له تساق الأتاوي
يا شيخ يا اللي بالرماح المزاريق=تودع خصيمك بالمعاره يلاوي
(أخوات روضه )غار شكّاية الضيق=كهف الضعيف مزبنين الجلاوي
غش الحريب ان وصلت لنشفة الريق=حِبس الجيوش وناطحين البلاوي
سلام يامن تسقي إعداك و تذيق=العايلين بما يعسر المداوي
للنعم حيير ٍ وللطيب عشيق=وللصفح نبع و كل أبونا ضماوي
كف ٍ تظلل به ضعوف المخاليق=وكف ٍ تحلحل به كبار الدعاوي
سقم العدا تشدا حصاة المناجيق=كسار خشم مكسرين النخاوي
ماكل نوبات انحضا بالتوافيق=نوب ٍ سرور و نوبتين ٍ مساوي
عاداتكم يا اهل المهار المطافيق=دمح الخطا يا متعبين القهاوي
حيث إنت ستر اللي زهن بالمخانيق=لاطوحن عن البني الغشاوي
ننام في رجوا تسامحك ونفيق=راجين عفوك و إنت قادر وقاوي
وإبنك محمد بالصدور الصناديق=وحنا عيالك دونكم مانساوي
لا السجن تاوي وحشته لونك تويق=ولا وقتنا ياوي ولا الناس تاوي
وهذا و أنا من (شمر) اهل المواثيق=وأهل الوفاء يا مفرزنين الفتاوي
نحبكم ونحب ( يام )الطاليق=ونفزع بليا دهن سير و رشاوي