هو يقول :
عطيتك قلب ما ينبض بغير إسمك وشانك شان=على وجه البسيطه ما عطيته واحد ٍ ثاني
على عز وغلا .. ماهي محبّة مصلحه وإحسان=مشاعر عاشها قلبي قبل تطلع من إلساني
وأنا أقول :
ألا يا مرحبا بك يا غرام ٍ ما يبي برهان= إلى شك المشكك .. شاف وسْط العين برهاني
وأنا اللي ما دريت إن ( الهوا ) و ( القلب ) ... ( ذيب ) و ( ضان )= إلين الذيب شال الضان في بطنه .. و عدّاني
نعم .. أهديتني قلبك سليم .. وعندنا منصان=وإذا تبغيه .. خذ قلبي معه .. لرضاك مجّاني
أنا وش لي .. بقلب ٍ ما يضخ الدم للشريان =عطيب ٍ لا ذكر طاريك .. باح السد .. وأشقاني