ياخاين العهد والميثاق يابايق
ماعاد لك عندنا قدراً ولاقيمه
كانك من اللي قدرنا ناصله ضايق
كسر براسك جدار وعيد ترميمه
لاتحسبنك بدربي واقف عايق
لو كنت حاجز بدربي سهل تحطيمه
الجيب موجود وانا المالك السايق
وجميع ماناش مدقاره على البيمه
لكن حاول تروح وخاطرك رايق
مادام ما تعرف الحب ومفاهيمه
خل المحبه لراعي المنطق اللايق
اللي جمع بين فن الحب والشيمه
هذاك والله سحرني حسنه الفايق
اعمل على ارضاه وانفذ تعاليمه
للشاعر جابر الشويرب المري