السلام عليكم ورحمة الله وبركاته
(.,.شاعر يغرد خارج السرب.,.)
مبدع في توظيف المفردات وحبك البيت فعلا شاعر جميل
اترككم تستمتعون بقرائة هذه الفاتنه
من حق نفسي على عينـي تكـف الدمـوع=ومن حق عيني على نفسـي تقـوم احتـرام
للدمع .. في رغبة اصراره على انـه يفـوع=ويخاطـب الذكريـات .. ويعلـن الانـهـزام
ومن حق شعري يـراود مبهمـات الضلـوع=عن كل مايشغـل الخاطـر .. لوانـه كـلام
ثلاثة اشهر وانا اشعر في عروقـي خضـوع=يجري مع الدم مـن تحـت اللحـم والعظـام
اعانـي الفقـد .. واتخيّـل حنيـن الرجـوع=وتمـر فـي بالـي الراحـه مـرور الكـرام
اولّع من الامل شمعـه .. واطفـيّ شمـوع=وكم غصن زيتون شلت .. وكم حمامة سـلام
ارسلتهـا عقـد للهدنـه .. وتسكيـن روع=وعادت لـي بكـل مايوحـي بألـد الخصـام
عن ليلـة السبـت حدثنـي نهـار الربـوع=وعن سيد الحـب شهّـدت الهـوى والغـرام
يالمترف اللي سكن خصرك من الجوع جـوع=يالفارع اللـي تغطـى فـي عيونـي ونـام
اللي عليك استلـذ النـزف مـن كـل نـوع=اللي على القرب من غيرك فرضـت الصيـام
اخترت منفاي فـي قلبـك وسقـت الفـزوع=كل المشاعر علـى بابـك لهـا حـول عـام
واخترت الاحساس بالخوف .. وحضنت الدروع=قبل الثقه وانـت فـي هـذي عـداك المـلام
مادام لـك ياحبيبـي فـي عروقـي شيـوع=يحق لك تصنـع الحاجـز بحـزم .. ونظـام
ولاهوب من حقـك اقبـل مافرضتـه بطـوع=وتقودنـي فـي طريقـك بالرسـن والخطـام
ان ماجعلـت الطمأنينـه تزيـدك خـشـوع=لاتبتـأس واتـرك الواقـع يـزيـل اللـثـام
الشجـره اللـي ورقهـا مايظـل الـفـروع=لوطالـت اغصانهـا ماتستـحـق اهتـمـام
الشاعر/عناد النفيعي