السلام عليكم ورحمة الله وبركاته
وهذه الابيات بمناسبة الموضوع اعلاه.......
لشاعر نايف بن قزعان الحويماني العتيبي
من يسب البدو جعل الشين فالـه
مايسب ابناء الحمائل غير بومـة
كل شعب(ن) فيه بالدنياء حثالـة
والردي ماتنقص الطيـب علومـه
والبلد معـروف بالشـدة رجالـه
وبالرخاء والامن تبلش في رخومه
والشيوخ البدو واصحاب الجلالـة
هم سباع الليـل لغابـت نجومـة
هم حماة الدين عن جهل وظلالـة
بالجهل والدين تعرف ومحشومـة
وحدوهـا مـن جنوبـه لشمالـه
من بحرهـا لبحرهـا ومحكومـة
والبلد صفـوا مشاريبـه وجالـه
بالسيوف الحدب قصوا من يهومه
والبـدو رجالهـم عمـه وخالـه
ساسهم معروف ماتضعف عزومه
نطرق الصافي ونشرب من زلالـه
هازمين الفرس والروم مهزومـه
وان غزينـا دار وزعنـا حلالـه
وان غزانا جيش صدينا هجومـه
يوم بعض الناس يجفل من ظلاله
وان حداه الخوف لو تاخذ هدومه
وإيتشبه بالنسـاء كفـوه لحالـه
وان تكلم فـي سواليفـه نعومـة
لعنة الله مكسبه لاجـل انحلالـه
انهـدم حظـه ودنيـاه مهدومـة
ويتهزاء بالبـدو ماشـاف حالـه
مكتسيه العيب راسه مع بهومـه
يسخر التافـه وسماهـا رسالـه
والتخلف والجهل بحـره يعومـه
يشذب خيار العرب خبث ونذالـه
والصفاة الطيبـة فيـه معدومـة
الدخون التبـغ والخرشـة دلالـه
والفضيحة ملبسه ليلـه ويومـه
نرفع الشكـوى لحكـام العدالـة
والوزير اللـي يساندهـم نلومـه
السفيـه يـرد لايكثـر هبـالـه
اختلاط وفسق ماهي بمهضومـة
وكان مال الشعر وقفة في مجالـه
وش لزوم الشعر خله وش لزومه
.
.
.
.
.
وسلامـــــتكم
منقوله