عرض مشاركة واحدة
  #2  
قديم 25-06-2012, 03:33 PM
منصور الرويلي منصور الرويلي غير متصل
 
تاريخ التسجيل: Apr 2006
المشاركات: 12
معدل تقييم المستوى: 0
منصور الرويلي is on a distinguished road
رد: الاهداء مع التحية .. للصديق محمد عباس آل مساعد اليامي

ذعذعت نود المشاعر وأنشرح صدر الرحابه=وأستوى طرق المعاني يالحروف الابجديه
أقبلت جزل المعاني مثل هتان السحابه = وأشتعل جمر القصيد وفاح ريح الشاذليه
أبتدى هاجس خيالي والوفا الصادق رقابه = يسنده تاريخ مجد وتدفعه صدق الحميه
ياهلا في كل رُجلن عزوته (يام) وهلاّبه؟=قصيدٍ وقفته وقفة شجاعٍ صادق النيه
كل بيتٍ من قصيدي يفتخر بأهل المهابه = الرجال اللي ينوّمس فعلهم في كل هيه
رؤس قومٍ صيتهم معروف من عصر الصحابه=محتمين الجار في وقت العصور الجاهليه
أهّل الفزعات لا أشتد الزمان أسُود غابه = فعلهم عند الشدايد تشهّده كل البريه
لابةٍ في صيتها المشهود .. حي لابه = مجدهم تاريخ عز .. وناراهم لا زال حيه
قلتها صادق وربعي صيتهم كلن درابه = مايهنون العزيز ولا يهابون المنيه !!
ربعي الويلان ساس الطيب كله وأنتسابه = هم سنام المجد والتاريخ يانجد العذيه
.
.
الطيب باقي بالبشر حي مامات = ترفع له الرأيه ليوم القيامه
الله وضع له بالبسيطه علامات = الدين والنخوة وصدق الشهامه
مانختلف رغم اختلاف القناعات = أن الحمياء عز قوم وكرامه
وأن المبأدي ساس والطيب وقفات = وأن الردى عيب وطريقه ملامه
وأن البشر خلقــِـّت شعوب ومقامات = صنعة إلة الكون مجري نظامه
اللي خلق راعي وساعي وشمات = خلق عزيز وشيخ دين وزعامه
الارض هي سكنا للاحياء والاموات = الطيب غرسه والمكارم غمامه
وفكر اللبيب يميز الذات بالذات = ويختار مطنوخٍ يناسب مقامه
الطيب فزه والمواقف له أثبات = وكلن حسب جهده وقدر أهتمامه
اليا زبنت أزبن زبون المهُمات = واليا مدحت أمدح زعيم الجهامه
والمرجله ماهي مُجرد دعايات = مبدى وفعل وقو باس وصرامه
أخذت من بعض التجارب دلالات = وأيقنت بأن الطيب صعبٍ سنامه
الا على رجلن يروم الصعيبات = اليا أنتخى له تنحني كل هامه
والا الردي . هيئهات . هيئهات . هيئهات = فعله يناقض بالمواقف كلامه

"
"
"
"

 

التوقيع

 

من كثر صدماتي بناسٍ قريبين = قمت أتحرى صدمتي من أظلالي

http://www.halaq8.com/sh3r/audio/poem.php?P=71
الشعـر بنـدق والمعـانـي نياشـيـن=والقصد واضح والهدف رمـي نيشـان
الشرق الاوسـط يرتجـف بالسلاطيـن=أن قلـت وايـل؟ ردد الكـون ويـلان
حنـا هـل الفزعـه حـرار الشياهيـن=وأهـل الحميـا لاغشـى الجـو دخـان
ماهمنـا لـو العـدو دولـة الصـيـن=حنا كسرنـا عـرش كسـرى وهامـان
يشهـد لنـا التاريـخ أول وهالحـيـن=أبشر بفزعـه شأنهـا بالعـرب شـان

منصور نايف الرويلي


 
 

التعديل الأخير تم بواسطة : منصور الرويلي بتاريخ 25-06-2012 الساعة 03:42 PM.
رد مع اقتباس