قمة القهر هي اذا قعدت في حلاق هندي وتقعد تحلق بين الهنود وهم يحشون فيك ؟؟ وانت داري انهم يحشون فيك ؟ بس ماتدري وشيقولون ؟؟
...........................................
اقول الله يسامحهم واضحك ^_^
قمة القهر هي ... لما تغسل سيارتك وتزركشها وتعلق فيها ريحة السفينه (قديييمه) وتسفطها عند باب بيتكم ويي ياهل من يهال الشارع ويشخطها بسيم من اول السيارة الى اخر السياره ان خليته بتموت ماراحت حرتك وان جلدته قالوا ايا المينون تحط راسك براس ياهل ؟؟
...........................................
ابوسه واقول بابا هذا غلط لا تسوي جذيه مرة ثانيه واوديه الجمعيه اشريله شي وابتسم وامشي
^_^
قمة القهر هي .... لما تشوف برنامج افراح وتهاني وانت توك عزوبي .....................؟
.........................................
اقول الله يباركله وش لي بعوار الراس ^_^
قمة القهر هي ... لما تشوف لك مزيونه تعورالقلب في سوبر ماركت وتقعد تخطط انك ترقمها وتقعد تشتري اغراض وايد مالها داعي .. قلاصات .. وقفل؟ ... وصلصه ؟ .. وتفلس ويوم تي البنت تاخذ الرقم تكبس عليها امها وتخلي رقمك طايح على الرف ؟؟
...........................................
في هلحاله العالم وصلو القمر استخدم البلوتوث وابتسم وامشي ^_^
قمة القهر هي .... لما تكون في تاسع نومه (كيفي بغير سابع) ومدفي في اللحاف وتوها غافية عينك وييك واحد عله ويقومك من النوم ويقولك : انت نايم ؟؟؟؟
..........................................
اقولة شنو تشوف حبيبي وخر عني ابي انام لو سمحت وابتسم بوجه وانام 
قمة القهر اذا كنت طالع وكاشخ في سيارتك الجاكوار اليديده وفجأه يدعمك شايب بسيارته موديل 19وحطبه ويقولك صلح سيارتي
.........................................
اقولة خلنا نروح المخفر وابتسم بوجه وامشي