هذه المحاوره جرت ليلة البارحه بين العملاقين حبيب العزمي
وفلاح القرقاح عبر الانتر نت وهي المره الاولى التي يتقابلون فيها عبر الانتر نت
وجرت هذه المحاوره في منتديات مرقاب
حبيب العازمي
حبيب العازمي
الشاعر اللي فيه سيما اهل الكرم والصالحين=
وصاه ابوه وجده اللي وارثه والصـا لحيـن=
فلاح القرقاح
ياحبيّب الروقي بلشنا في الليالي والسنين=
راح المفرج والمزرج والمصقل والسنين=
حبيب العازمي
يابو محمـد مامشينـا فالـدروب الا يميـن=
لاكن لاياخذك فاهل الـزور لـوم الايميـن=
فلاح القرقاح
دينٍ ما ينكر منكراتٍ محدثه ماهوب ديـن=
البيع يا طير السعد عد وعدد ماهوب دين=
حبيّب العازمي
يالله لاتفرح علي اهـل الحسـد والشامتيـن=
ياهل الهوى وين الهنوف ام الوشم والشامتين=
فلاح القرقاح
انتو وحنا طال عمرك كلنـا مـن قالطيـن=
منقال طين اهل البناء ياصاحبي منقال طيـن=
حبيّب العازمي
انته وابن وسام سجلتوا هدف فالدورتين=
التين فالبستان يارجلٍ تبا فالدور تيـن=
فلاح القرقاح
انا وابن عمي كفو والشارقة ماهيـب عيـن=
العين صارت خشم ياحبيّب وصار الخشم عين=
حبيب العازمي
لوتحسب القسمه على المقسوم له والقاسمين=
القاجمل والقاجـزل والقاهـزل والقاسميـن=
فلاح القرقاح
مافاد ابو شوشه لا ابو شارب ولا ابو شاربين=
خلق الله بنعمة وخير وما كليـن وشاربيـن=
حبيب العازمي
وين السيوف القاصمه ياصحبنا والمرت وين=
الله خبير بحال من ماتو ظمـا والمرتويـن=
فلاح القرقاح
انا ليا جارت علـي الأيـام قلـت الله يعيـن=
الرقية الشرعية تعالـج لـو العايـن يعيـن=
حبيّب العازمي
اللي يحب المرجلـه يبديلهـا والهـا يبيـن=
وانته تعرف الصاملين امن العرب والها يبين=
فلاح القرقاح
يقودنا لأهل المراجل والوفاء شوق وحنيـن=
كلن يعرف اللي لا شال الحمل ما جاله حنين=