:
أتحملك..! وشلون وأنا عشانك=متحمل ٍ ضيم الليالي وراجيك.
ياغايبه.. منهو يجي في مكانك.!=من يوم غبتي والغلا منتهي فيك.
روحي ترى قلب ٍ على العهد صانك=يبقى لك أوفا من وجودك..لطاريك.
ياراحله...منهو يعوض حنانك!=لاضاقت الدنيا علي وين ألاقيك..!
ياقدرة الله...كيف قفى زمانك..؟=وأنا نهاري فيك...والليل يبديك.
تدري وش اللي يذبح..؟ الصبر عانك..!=وأنا على فرقاك..(ميت وأناديك!)
ياويل حالي...يوم رحتي بأمانك=كنك تِمنيني...وكني آمنيك.
قفي ودمعي لاوقف...قلت خانك..!=ببقى لك أوفا من وجودك..لطاريك.
مدري وش أسرع يوم قفى كيانك..؟=خطوة فراقك...وإلا هو قلب مغليك!