جزاك الله خير يا سكيت
هذه القصيدة لفهد تني السبوق ارسلها لسعود غصاب الزمانان يواسيه في موت غصاب الزمانان :
الله يجبر كسرة القلب ياسعود/سبحانه اللي فاز منهو ترجاه
يا عين لوتبكين في موتة العود / مامات ذكر اللي بطيبه عرفناه
غصاب راس المجد والطيب والجود/ الطيب طبعه والمراجل حلاياه
والدين في غصاب له ذكر محمود/ يشهد بها محرابه اللي تعلاه
يشهد يتيم طاول ايامه السود /ويشهد فقير كف غصاب عشاه
من روس قومن فعلها طيبه يزود/ فرسان خيل اهل الطروق المخلاة
ترى الفهد لومات من عقبه فهود/نسله فهودن مشيها مثل ممشاه.
ياسعود انا للكذب ماني بمحدود/ اخيك مثلك مر وقته توطاه.
صبرا جميل الله يصبرك ياسعود/الله يعوض فقدنا اللي فقدناه.
وصلاة ربي عد ماهبت النود/ على النبي ازكى صلاة من الله