الرد على اسئلة اخوي الكبير و الغالي / الكونكورد
السلام عليكم ورحمة الله
وعليكم السلام ورحمة الله وبركاته
مرررررحبا مرحبا .. وأغلى من جانا 
حوران من الشخصيات اللي فعلا وجوده بوجها لوجه راح يفيد الاعضاء واشكر المهره على الاستضافه
الأستـفاده والله منك انت ياكحيلان
فالبدايه وشلونك طال عمرك ؟
دامني اشوفك بخير وفي الوجود تأكد اني بخير
ووسع صدرك ترى الاسلوب لك عليه
مابعد رديـت وانا مستانس مثل ذالرد
- هل ترى ان المنتديات اصبحت مصدر لمن يبحث عن المعلومه التاريخية ؟ ولماذا ؟
طبـعا ً اصبحت مصدر .. ولكن مصدر غير موثوق 100 %
والسـبب .. سهول الدخول أليـها واستسقاء المعلومات وإظافة المعلومات ..
سبب آخر إنك لن تشتري عدد كبير من الكتب لكي تقرأ عن موضوع معيّن أو قبيـله معيّنه .. بالأظـافة إلى إنعدام وجود الرواة .. وحتى لو وجدوا .. صعب الوصول إليهم
لكن أكرر .. النت معلوماته غير موثوقه ..لأن بـ إسـطاعة أيّ شخص وضع موضوع غير صحيـح وهنـاك من يصدق
- وهل ترى ان القصيد المنقول لنا من الشيبان عن الاولين صحيح ؟ لأني ياما سمعت قصايد مكسّره وهذا يدل على انها منقوله غلط .
قول انه صحيـح .. اقول صحيـح بنسبة 95%
أمـا بالنسبـه للكسور أنا معك والسبب أن هنـاك من يحفظ القصيد وهو ليس شاعر .. ويلخبط فيها .. أو يجعل بدايتها في نصها ويقدم أبيـات ويأخر أبيـات
وكله يرجع للرواة اللي نقلووه
- اللي اعرفه عنك انك شاعر بس منت بتطلّع شي ! ليه ؟
الشـاعر كلمة كبـيره وفضفاضه .. تجمع قمم وأعلام مثل ابن جدلان وابن وسـّام وفي نفس الوقت تجمع محمد أبو النعاج للأسف << اللي مايعرفه تراه مشارك في شاعر المليون ومن ظمن الـ 48 بعد
وعندي نـظره في الشـعر .. إذا ماعندك نصوص تدحم بها الصفوف الأولى ولا (ريـّح ركابك لاتضيّع جهدها)
-وبما انك شاعر وناقد ومتذوق للشعر
عندي لك بيتين وابغيك تنقضها
تامر آمر
انا خابر ٍ حوران يارد على عدّين = ولو فيه عد ٍ ثالث ٍ جاه ورّادي
ولامن بغى المقناص يقنص وله طيرين = ولكن صيده دايم ٍ خارج الوادي
ــــــــــــــــــــــ
ترى من يجيد اللعب ..! يلعب على الحبلين=ويغنم زمانه .. قبل يقولون : مافادي
نظرنا بعيد ولانشوف القريبين=نصيحه من ابن سرور حطيتها شدادي
ولي الشرف إني أرد على أسـتاذ مثلك في المحاوره
طبعا ً لاترقى إلى مستواك الشعري .. ولكن تقبلها كما هي
وانشاء الله لي رجعه اذا سمح وقتي
~*¤ô§ô¤* الكنكــورد *¤ô§ô¤*~
صدقني إني فرحت من يوم قريت أسمـك في المنتدى
وفرحت أكثر يوم شفتك هنا فالمـوضوع
اللي مثلـك شوفه يجيب المطر
الله لايهيـنك على تواجدك وتشريفي بحضورك الراقي دائمـا ً
اسلم وسلّم