السلام عليكم ورحمة الله وبركاته
اعضاء وزوار مجالس قبيلة العجمان
اسعد الله اقاتكم بكل خير
اجدد حضوري بهذه المتواضعة في رجال لهم من فعايل الطيب الكثير والكثير ..ولهم في ميادين الرجال بصمة تشهد لهم الرجال
فاباح هاجسي بهذه المتواضعة وهي بين ايديكم واتمنى ان تنال على اعجابكم ورضاكم
البال يطري ربعي اللي بالفعايل ماتميل=اهل العلوم الطيبة واهل العلوم الرايدة
ربعي مقاديم الخطر امشعللت راس الفتيل=إمنخوت روس العدا والسادة اللي سايدة
الله على نغيمش لامن شاف له حملن جليل=ابوفهد لاجلجلت سود الليال الكايدة
عون المعنى مسندة الليا ارتجابه إدخيل=شلة وعلابه علا ثم ارتقى لشايدة
راكان لامنه ذكر يانعم بسيف الصقيل=يانعم ياحرن يفج الجول يبقى القايدة
يقبل على جمع الصعايب كنه إحصانن صهيل=كل العواقب في مسيرة من يمينه بايدة
اعوال ابن قروش فهد شيخن من عيارن ثقيل=اللي علوم المرجلة ماهي بعنه حايدة
شيخ الكرم شيخ المعزه شيخ ما مثله مثيل=شيخ الطناخة والشجاعه عادتن هي عايدة
ياجعل يفدونه شيوخن ماتسوق الا الهزيل=اهل الحكاوي بصمايل ماتشوف الفايدة
يالله عليهم بالمزن مقدامها برقن يخيل=خمسة عشر لليلن تصب ولادبلها زايدة
وسلامتكم