بسم الله الرحمن الرحيم هذه العدة تتميز الة كوناد بكونها تحتوى على ماسحه حديد او بلاستيك وانا افضل البلاستيك حتى لا تجرح الحدائد المعدنيه وتخربها وهذه هى صورة الطابعه على اليسار والماسحه على اليمين المجموعة الأولى مجموعة المصقات ويمكن فيها لصق الأظافر الجاهزة على أظافرك الجميله ويمكن أيضاً شراء ملصقات صغيرة على شكل وردة مثلا وتلميع الأظافر بملمع ومن ثم لصقها على الأظافر والأحسن إن الملصق يكون صغير لأن هذه أظافر وليست لوحة رسم وهذه الملصقات يتم لصقها فوق المناكير الفرنسي وسيتم شرحه بعد عرض الصور ويمكنك تزيينها بالفصوص هذا هو المناكير الفرنسي وللمعلومة أنا مرة يعجبني المناكير الفرنسي ودايماً أعمله مثل الصورة من غير ملصقات بس بعد ما شفت الصور ممكن أشتري ملصقات نعومه وإذا كانت عندي سهرة أعملها هذه صور لملصقات وضعت فوق المناكير الفرنسي وفيه ورود سيراميك توضع على الظفر مثل اللى بالصورة وهذه أظافر جاهزة تلصق على أظافرك ثانيا طريقة تعليم مناكير جداً رائع وأنا أعجبتني الطريقة وراح أعملها باذن الله نظرة سريعة ع الستآيل : .( 1 ). الأدوآت: - لون المنآكير الأساسي اللي تبينه.... فوشي بس بدون مايكون فآقع.. وفيه لمعة خفييفة واللون يطلع بالضبط مثل العلبة بطبقة وحدة.. رقمه 9 - الألوآن اللي تبينهآ للنقط.. أنا اخترت الأبيض والأسود والسلفر بس ماستعملته - ورقة - أعوآد أسنآن للنقط.. أو إذا عندك منآكير بفرشآة ضعيفة .( 2 ). الطريقة: - بعد ماتحطين طبقة بيس كوت.. إنتظري من 5 - 10 دقآيق لين تنشف. - إصبغي أظآفرج باللون اللي إخترتيه.. شوفو لون فورلآيف من قريب بطبقة وحدة نصيحة للي يستعملون فورلايف: المناكير قوآمه ثقيل وكريمي نوعآ ما.. ف لما تاخذين الفرشآة امسحيها بأطراف العلبة علشان ينزل الزايد.. لأن لو مامسحتيه بيكون كثيف ع الظفر وبيغربلج لين ينشف.. ولو حسيتي الطبقة خفيفة إنتظريها لين تجف حول 10 دقآيق عقب حطي طبقة ثآنية.. لاااا تحطين طبقة ثانية والأولى مانشفت >< - إخذي نقطة من المنآكير الأبيض والأسود على الورقة "ماله داعي تكثرين" - إبتدي ارسمي بالنقط.. وارسمي وردة بالدوائر بهالطريقة: اخذي الطرف المسطح مب المدبب من عود الأسنان وغمسيه في نقطة المناكير الأبيض.. حاولي ماتوصلين لسطح الورقة مجربد غمسة خفيفة بحيث يكون المناكير على الطرف مثل القطرة.. عقب قربية على ظفرج في الزاوية اللي تحت بس خلي مسافة بينها وبين نهاية الظفر وحطيه ع الظفر برقة مايحتاج تضغطين بتشوفين النقطة نزلت وصارت دائرة.. عقب سوي دوائر ثانية حولها بدون فراغات.. بتتكون لج دائرة كبيرة على شكل وردة صغيرونة عقب بالطرف المدبب غمسيه بالأبيض ونقطي حول الدائرة الكبيرة نقطة صغيروونة... سوي أربع نقط صغيرونآت بينهم فرآغات.. وفي هالفرآغات نقطي نقط سودا بالطرف المدبب بيكون شكلهم نقطة صغيرة بيضا وعقبها سودا وعقبها بيضا 4 من كل لون حول الدائرة الكبيرة داخل الدائرة الكبيرة.. غمسي الطرف المسطح من العود في المنآكير الأسود.. وحطيه وسط الدائرة الكبيرة.. أو تقدرين تحطين فص صغيرون لو عندج طبقي حركة الوردة هذي في الصبع الوسط من اليدين وباقي الأظافر نقطيهم بنقط عادية بالأبيض والأسود.. أنا اخترتهم في الزاوية السفلية تقدرين تحطينهم بنص الظفر اليمين أو اليسار أو فوق أو تحت.. انتي وذوقج طبعآ اغمسي الطرف المسطح من العود وعقب نزليه ع الظفر ملآحظة: كل ماضغطي بالعود ع الظفر كل ماصارت الدائرة كبيرة.. كل ماخففتي صارت صغيرة خلي النقط بشكل عشوائي لا تتقيدين بشكل أو حجم محدد.. ليش؟؟ علشان تقدرين تطبقين الحركة على اليدين.. لأن تعرفون اللي تشتغل باليمين تلاقي صعوبة تشتغل باليسار والعكس صحيح فلما تكون الدوائر عشوائية بيكون رسمهم سهل ع اليدين.. أهم شي يكونون متركزين بنفس الزآوية وبس إنتظري لما ينشف.. الدوئر ماتاخذ وقت لو كنت ضابطة الضغط بتجف بسرعة بس للإحتيآط خليهآ عشر دقآيق وآخر شي طبقة من التوب كوت.. أي منآكير شفاف يفي بالغرض وهني الستآيل النهآئي مع حركآت تصوير :
التوقيع
يسلمو حبيبتي اشواق بنت ابوها على التوقيع الروعه