على سرعه تفوق الصوت واضعافه عشر مرات
توجه يارسول الخير من فضلك على شاني
تفضل هالرساله فوقها العنوان وارشادات
تدلك لاوصلت ديار ربع تمن الجاني
تسلمها لبو رحمه على راعي الوفاء بالذات
وانا عندي خبر لاجاه خطي ما تناساني
عسى يفداه منهو رفقته تاتى على الفاقات
والى جات الشدايد والنوايب صار قوماني
انا يابو محمد يوم افكر في بعض لوقات
مع العالم وكني ياعلى في عالمن ثاني
تطور متطرد في انحاء الحياه وكثرةالخيرات
وكثر الشر من بين العباد وقل الايماني
تقدم تكلنوجي طور الابحاث في لحظات
وصلنا مرحله نسخ البشر باسلوب واتقاني
غزو حتى الفضاء ولصبح يسير للفضاء رحلات
وتبقى قدرة الله فوق قدرة عقل الانساني
وانا ماقول غير الله يعيدك يازمان فات
ولو يبقى رجوعه مستحيل وصعب ياقلاني
زمان فات لرجال الوفاء والجود والطالات
صناديد الرجال اللي تعز الضيف والعاني
زمان اهل الكرم والجود واهل المدح والشيمات
زمان القيهبان وشالح والشيخ راكاني
وزمان اليوم لاهل الحقد واهل الكذب والنمات
مطرودة الكلام اللي بعرض افلان وافلاني
تبيع اقرابها واصحابها عند ابسط الحاجات
مصالحها تبديها على الاقصين والداني
لكن يغرها الوقت الغرور وللزمن دورات
الى دار الزمن ماواحد منهم فدى الثاني
وانا مانى عليهم ياعلى في ذمتي شمات
مرد اللاش يرجع في النهايه مثل ما كاني
يغرون العرب بأزوالهم ومدوح رنانات
وهم مثل السراب اللي نشوفه بعض الاحياني
بعض ناس تجازي صاحب الاحسان بالسيات
بدل ماهي تجازي صاحب الحسنه بالاحساني
نعم تبقى رجال الجود والطولات للشدات
وهم قد لها لمن تردى اللاش كوباني
اقوله والحقيقه كل رجال وله غايات
وانا غايه مناي مشاهدك ياطير حوراني
اريد اجلس معك واخذ اعلومك واخر الابيات
يكون النا الشرف لو زرتنا في ابلادك الثاني
بلدنا هو بلدكم ما بها يا مسندي شكات
وطن زايد نعده في الحقيقه دار ابن ثاني
وقبل ما ختم كلامي لك سلامي واجمل الايات
مع موفور شكري وأمتناني لك وعرفاني
وصلى الله وسلم عد حرف خط في الصفحات
على نبينا شفيع الامه نسل عدناني
للشاعر جابر الشويرب المري