[بن شعيل العدواني]

بسم الله الرحمن الرحيم

الله من هـمٍ ولـج بيـن الاضـلاع=من قوتـه حطـم حنايـا ضلوعـي
همٍ نـوى تدميـر قلبـي بالاوجـاع=ونوى عيوني بالسهـر والدموعـي
بسباب دنيا ما عرفنا لهـا أسنـاع=لا جيـت أحايلهـا تفـز وتلوعـي
يالادمي دنيا بهـا غـش وأوجـاع=لا تخدعك خلـك حريـصٍ قنوعـي
يالادمي لوهي صفتلـك بالاوضـاع=لا بـد ماتطفـي عليـك الشموعـي
دنيا رديـه وأكثـر النـاس خـداع=حلو اللسان وفالمواقـف جزوعـي
في مجلسـه يغريـك للهرج لمّـاع=ما كنـه الا شيـخ قـاد الجموعـي
يضحكلك بسنـه ويخفيلـك أطمـاع=ويروغ لا منـك طلبـت الفزوعـي
هذاك ماينفعك لـو شانـت أوضـاع=وليا إحتمى الموقف يصد وقطوعـي
خلك مع اللي لا حتمى العلـم فـزاع=راع المواقـف للمعالـي طلـوعـي
يبدي على عمره رفيقه ومـا طـاع=كثر الهـروج مسمميـن السموعـي
وإعرف ترى الدنيا بها نمور وإضباع=وكـلٍ يميـز خطوتـه لا تتـوعـي
هذي ترى الدنيا بها أشكال وأنـواع=صنفتهـا تصنيـف رجـلٍ قنوعـي
صنفتها من عقب ما ذقت الاوجـاع=وجربتها مـن كـل شكـلٍ ونوعـي
وإختامها يسعد بها كل مـن طـاع=ربه وصلـى والخلايـق هجوعـي

وسلامتكم