يا ويل حالى من زمان الغرابيل
انا اشهد ان النفس فيها صبوره
ياهيه يا لى تتبع القال والقيل
هذا محب اثنين اكبر خطوره
لا يجرفك حكى العواذل مع السيل
لا تصدم محبك وتجرح شعوره
تراك اغلا ما عشقته في ذا الجيل
تراك وسط القلب سيد حظوره
ارحم محب ميت فيك بالحيل
في عيونه الثنتين لك الف صوره
نهر المحبه في الحشا كنها النيل
يسقي غلاك بخافقي من جذوره
ذخرت حبك في الليالي المقابيل
حبك من الدوحه الى اخر شروره
يا كثر ما تخطى ويا كثر ما تعيد
واعدى زلاتك واقول معذوره
اسمع من المسحوب احلا المواوايل
من قلب شاعر يمهلك في بحوره
وكانك على الفراق جهزت لك خيل
بصيح واعنز على اخوان نوره