[أميرة الإحساس]

اليوم وانا راده من الدوام تذكرت قصة حقيقية قريتها من زمان

لاهي من نسج الخيال ولا فلم امريكي ..! اثرت فيني حيل

خصوصا لا زاد ضغط الدراسة .. وكل ما اذكرها إهون علي

بعض التعب إذا حاشني او اليأس .. فقلت من باب الفايدة ليش

ما اذكرها اهني عل وعسى تهَون على بعض الناس عقباتهم

وتعطيها دافع انهم يشدون حيلهم اكثر ومايحوشهم اليأس..

من راوي القصة ..

بالتحديد ثلاثة ابتدائي صبي صغير مستواه العلمي عادي

ويمكن إكون أقل من العادي .. قاعد بالصف مع اثنين من ربعا

وطبعا لعب الجهال.. قبللا إيجي المدرس (طقني وطقك) !

وعلى ايامها الكل متأثر بالمصارعة .. فتلقى كل واحد متقمص

شخصية مصارع وحييل طق بالثاني

! .. وهما بعز

اللعب .. ولا مدرس الرياضيات داش ..! طبعا وقتها الكل عارف

الرياضيات وما ادراك ما الرياضيات ..
ومدرسيين اول مايقصرون حييييل أليفيين ..
إدش الواحد فيهم الصف ومعاه

مسطرة اطول منه .. ومايتعامل إلا بأفتح إييدك .. ! ..
المهم شاف المدرس فلم المصارعة جدامة Live !

ومنو ..

صاحبنا راوي القصة ماسك واحد قاعد إطقه .. !

طبعا جن المدرس ! ..

(بس يا ..... انته وهو .. ويمسك اذانه إلوتهم حيييل)

ليين صارو حمر ..

جان إقوله (بص ! إنشوفتك تعملها تاني .. أكسَرك !) ..

طبعا المسكين بجيته بعينه

راح قعد مكانه ! ..

بلش المدرس الشرح .. وحط مسأله على اللوح ..

جان إقول ميين عاوز إحل المسأله دي ؟ ..

(طبعا ايام اول كل واحد يرفع إيده أنا ..أنا ..أنا .. زيين مايحوشون وجه المدرس)

وآخر شي إنقي واحد مو رافع إيده ! ..

صاحبنا خانقتا العبره وقاعد ساكت ماله خلق إشارك ..

ماد البوووز ..

شافه المدرس جان إقوله ؤووم حل المسأله ..

وهو طبعا عنده عقده من شي اسمه رياضيات ..

توهق البطل .. ماعرف إجاوب ! ..

جان إقول المدرس حق كلإلي بالصف ..

عاوز الكل بصوت واحد يقووول للطالب ده

ياااااا كاااسلااااان !!! ..

وللقصة بقية..

راح أخلي القصة على شكل سلسلة عشان لايصير ملل ..