[مسعطر]

المشاركة الأصلية كتبت بواسطة خوالي عمامي

قصيده جزله ووافيه صح الله لسان الشاعر

والشكر موصول لمسعطر ما يجيب إلا الجزلات ونقول أحسنت

توضيح لبعض ما ورد في القصيده :

مدغش هو ابن درجان آل سليمان .. خواله ال العرجـا وقد قتل في مراوح الخيل بين خواله و مطير في الصليب

والمزين المذكور في قوله :

وخذينا المزين والأجاويد تعتزي ..........ونعمٍ بهم لا شك حنّا دمارها

هو مزين سبيع ... وعليه فتاة من ال عمر سبيع خذوه ال قنيبر ال العرجـا في معركة العريق حيث قادوه سبيع وكثر الذبح عنده لين أنكسروا سبيع وهم ونعم حيث كادت تحصل هزيمه لولا أن ال قنيبر ردوهم واكسروهم وخذوا المزين . وهي في الأساس بين الدواسر وسبيع واشترك ال شامر وال ضاعن فيها بالإضافه لأل قنيبر

تقبل تحيتي

مرحبا و مسهلاااا يا خوالي عمامي ,,
و بيض الله وجهك على المعلومات الطيبة و كفووو والله ربعنا آل قنيبر ,,
مثل ما قال الشاعر :

عصِبة ٍ خالقهم الله من طينه = كل منهم موقفه يطِلق لسانه
والله يا لو انهم ابعد من جهينه= ولا يربطهم بنا دم و ديانه
لأعطي نواط الثنا مستحقينه=مثل ما خذوا وشاحه و تيجانه

و المعركة اللي تكلمت عنها انا عندي معلومات عنها و عادني بنزل لها موضوع كامل ,,
لأني اعتقد انها ثنتين ,, كسر العراص عام 1916 ,, و العريق ,,

اما كسر العراص ,, و كبير القوم فيها فهد الدامر و معه آل ضاعن و آل قنيبر و آل شامر
او بعض الفخوذ المذكوره ,,
و قال فيها سعد ابن صبيح قصيدة طويلة مكتوبه عندي ,,
حتى لا نشتت الموضوع سوف ندع لها موضوع آخر مستقل ,,

و مرررحبا بك و مسهلااا