رحمك الله يا أبا خالد
اي ملك كان ؟؟ واي زعيم ؟؟ واي والد ؟؟
لقد اتاه الله بكل مباهج الدنيا ونعيمها ... ولاكنة كان متواضعا بسيطا
ويكفي فخر لنا ان الرجل هذا اصبح ملك على مشارق الارض ومغاربها
لا هنت ياراس الرجاجيل لاهنت=لاهان راس فى ثرى العود مدفون
والله ماحطك بالقبر لكن اّ منـــت=باللي جعل دفن المسلمين مسنون
منزلك ياعز الشرف لو تمكنت=فوق النجوم اللى تعلت على الكون
سكنت دار المجد ياشيخ واسكنت=شعبك معك فى منزل العز ممنون
صــــــــنت العهد ياوافى العهد ما خنت=علمــــــــــتهم شـــلون الاشــــراف يوفون
كــــــــم ظالم عـــداك واعفيت واحسنت=واخلفت ظن جـــــــــموع ناس يظنون
شـــلت الامـــانة حافظ ما تهاونت=شفنا بك رجال على النفس يقوون
ياللى طلبة الملك بالحب تزينت=عرشك بتاج قلوب شعب يحبون
لونت تاج الملك ما قيد تلونت=ماغرتك دنياك ما سرت مفتون
بالزهد والمعروف بالصبر كونت=منهاج فيصل منهج اللى يعدلون
تلفت روس المخاليق وين انت ؟=وين العظيم وعود الشوف مطعون
كم خافق وقف عقب ما تكفنت=وكم ناظر ذوب سوادة محزون
لو شفت حال الناس عقبك تبينت=مقدار حب الناس للى يودون
مما بقلبي قلت يابوي لاهنت=والا انت !! فوق القول مهما يقولون