[فالح العاوي]

بسم ربٍ فضل المسلم على النصراني = بإسمــه أبدا وأطلبه في كلمةٍ معقولة
يا إله الكــون وفقني ودل لساني = للــكلام اللي يفيد المجتـمع وأقواله
يابديع الكـون يا معطي ويا منـاني = إجعل أعداء الدين وأعداء المصطفى مخذوله
نصــرة الحق المبين ترجح الميزاني = واجب المسلم يدافع عن شـرف رسوله
الرسـول اللي بعث بالحق نورٍ باني = يا صـلاة الله على من سنته مقـبوله
النبي اللي تلــقى الوحي بالقرآني = شرع الديــن الحنيف بسنته ووصوله
الـنبي المصطفى اللي مامثله إنسـاني = هو شفـيع لامته في يوم مكـبر هوله
أشرف أشرف خلق ربي من نسل عدناني = جعل كل المشركين نعالٍ تحت رجوله
جعل من سبـه فداه وجعله العـزراني = يالله يا ربي تزيـــله فرد ولا دوله
زلزال الارض القويه من تحت عدواني = واجعل اعلاها أسفل السافل من أول جوله
ينتهي الأول وياتي عبــرةٍ للثاني = وياعساهم للأفاعي لقــمةٍ ماكوله
أبشر أبشر يارسـولٍ جيت بالبرهاني = أبشر بنصـر موزر وامتك مسئوله
ما يهــدون الجدار اللي بناه الباني = تبت أيدين العدو ما تصـله وطوله
العدو مدحور بإذن الخالق الرحماني = يمهل الكافر و لا يهمل جميع فعوله
الله اللي جاعل المسلــمين أخواني = ضد من سب الرسول بسلة مصقوله
تردي المديون صــيده في يد الدياني = ما يقوم ولا يـحرك من عياه هموله
العدو يبقى صغــير مذلل ومهـاني = لو وقع في الفخ ما نفعه جميع حلوله
كلكم يا أهل الردى يا زمرة الشيطاني = ما حسبناكم لو أن قلوبكم مغلوله
حن حما الإسلام والمسلم همه أكبر شاني = ما تغيرنا زوابـع زمرةٍ مجهــوله
نتبع سنة نبيٍ للهــدى عنوانـي = رحمة للعالمــين ولا نخالـف قوله
في المساجد نرفع التهليل والإذانـي = الله أكبر وأشهــد أن محمدٍ رسوله
من تعاليمه تعلمنا بكـل إتقانـي = والطـريق اللي تخالف منهجه مقفـوله
ذا كلام الشاعر اللي يشجب الغلطاني = اسمه ابن دشيل واحداث الزمن منقوله
ختمها ياناصر المسلم على النصراني = إجعل أعداء الدين وأعداء المصطفى مخذوله

للشاعر عوض بن دشيل الحبابي[/poem]