[طيبن ساسها]

السلام عليكم ورحمة الله وبركاته.. أخواني وأخواتي كانت هذه احدى قصائد الشاعر الشامخ/ مهدي بن حسين آل حيدر الوايلي .. في حفل قبائل ال مره بمناسبه احتفالاتهم باليوم الوطني لدولة قطر .. أترككم مع القصيده ومع الجزاله والشاعريه الي تعودناها من ابوسعد ..

((يا آلاد مره يامخابيط الكفر=يا اللي على الموت الحمر متمايله
اما حمينا العرب حسكات الوبر=ولا جلينا صوب ديرة وايله))
بيتين ما عندي لقصتها خبر=والقاف ما حققت منهو قايله
لكني أذكرها من أيام الصغر=وإن القبيلي يرجع لقبايله
وإنا ليام الدرع وحزام الظهر=وإن وايله يام(ن) ويام(ن) وايله
مابيننا فارق بحزات القشر=والقول في خشم العدو دلايله
واليوم جينا يآل مره والفخر=مجينا عند الوجيه الطايله
نلبي الداعي ومن يدعى شكر=والطيب يفرح كل منو جاي له
وأيمانكم تذرع لمن كفه شبر=والمجد فيكم جامع(ن) خصايله
يا حزامنا الممتد لي دولة قطر=في دار من تغشى العرب جمايله
في دار ابن ثاني حمد راعي الظفر=ليث(ن)تروع سباع من فعايله
سلام له منا ومن حفل(ن) شهر=تنشد له بصوت الولا مثايله
وأنا بصوت العز والهاجس بحر=واللول والمرجان بيدي شايله
أقول للي مايشوف إليا نظر=والنار من شبت حطبها هايله
في خاطري كلمه وفي الكلمه عبر=تدري بها سود الليال اللايله
ويقولها الشايب لورعه لا كبر=لاتحرب اليامي وتآمن وايله
والختم صلوا عد ما وبل انهمر=من حد نجران لقطر مخايله
علي الشفيع بماقف(ن)هز وحشر=والله مكرم بالشفاعه سايله

وسوالم