[فـارسـة قـطر]

السلام عليكم ورحمة الله وبركاته...

إخواني اللي يعارضون سواقة المرأه ويقولون انها تساعد على الفتنه وغير وغير.. وسويتوها سالفة كبيره ..

يايبه اذا تبون تحكمون صح وتقيمون الامر عدل ارجعوا لزمن الرسول عليه الصلاة والسلام والصحابه رضواة الله عليهم..

وكلكم تقولون وتتفقون بإن الشباب هم اللي يلحقون البنت >>>

يعني العيب مِـن ... مَـــن ؟>>>>>>> من الشباب طبعا ً.

ومانختلف بإن يوجد الزين والشين في كلا الجنسين.

ولكن المرأه اذا ساقت السياره أبرك وأخير لها من السايق ومن الليموزينات والتكاسي. صح والا لا..

يا اخواني المرأه قبل تركب الخيول وتروح وتجي وتدبر امور بيتها

وتشارك في الحروب وغيرها وهي على خيل ومطيه .. والاسلام ماعارض هذا الشي..

بتجون انتوا تتكلمون عن شي انه غلط ومش عارف ايش ..

والغلط الاساسي هو من الشباب نفسهم.. اللي مايرحمون ولايخلون رحمة الله تنزل..
" عن التفلسف اللي ماله حلاه ولا بعد غلط ..لذا أرجو الإنصاف والتفكير بعقلانيه "

مهب كل البنات طينه وحده.. في بنات محترمات جدا ً وصاينات انفسهم وكل منهم صاينه اهلها.حتى لو لحق الوحده الف رجال..

قولوا لي العيب من من ..؟؟؟
--------------------

باختصار عندي البنت تسوق ابرك لها واخير لها دام ماعندها حد من اهلها يوديها ويجيبها.. ومخلي السايق والتكاسي يودونها ويجيبونها..


-----------------
آسفه طولت عليكم.

ولاتزعلون من صراحتي

إختكم / الفارسه