صدق المشاعر !؟
ياللي لك من الشوق .. ما ينعش الذات = انا فداك .. بضيقتك وانفعالك
حتى لو اني هايمٍ فيك .. بسكات = في ذمتي ما مرّني .. الا خيالك
سويت في قلبي .. دروب ومسارات = وكل الدروب تمرّني .. من خلالك
من كثر ما احتاجك معي .. فالمهمات = حسيت كني .. من ابْنا خوالك
في غيبتك .. ما للملذات .. لذّات = تقول كن الليل .. مظلم وحالك
وفي جيّتك .. عزه .. ومجد .. وطموحات = واحس بالنشوه .. لا عرّض مجالك
اي والله احبك .. واذا تبغي .. اثبات = قلي .. وانا في ذمتي اني .. حلالك!