•
الصدر ضايق .. والجفن .. سد عالي
يحبس وراه اسرار .. واحزان .. و دموع .!
أجلس مع اخواني .. و كنَي لحالي
أتصنع البسمات .. و (( القلب موجوع )) .!!
وانـا كذا..!! من سبعة أيام حالي
من بعد ذاك اللي هجرته من اسبوع ..
له اربع سنـينٍ و هو [ رآس مالي ]
ويمشي معي دايم على السمع.. و الطوع
[ يا كان يعشقني و يعشق ظلالي .. ]
وياهو في " موق العين " و القلب مطبوع
أذكر مواقف بيـننا.. في خيالي !!
ثم آتبسًم.. و " أكـتم الدمع " .. و اللوع
مليت.. من تمثيل دور المثالي
اللي يشوف الشوق و الحب.. ممنوع ..!!
صحيـح اكابر.. لو الاحزان فـالي
و أتظاهـر الشبعه.. وانـا ميـتٍ جوع
لكن.. اذا (( حنيـت لإنسان غالي ))
طبعا ًبحس بحالة الضيق و الروع
تبـغى الحقيقة عاد ؟؟ ما كنت ابالي
كنت احسب انه يشـبه الغير فالنـوع
ويوم ان فقدته قلت.. شـ اللي جرا لي ؟؟
و قام " الخفوق إيـّـون " و بصوت مسموع
و شفت اللياـلي غيـر .. ذيك الليالي..
شفـت المجرًة.. لكن البدر.. منزوع !!
أحيـان.. أعـزز فـي لقاهـ إحتمالي ..
و أحيان .. احس ان الامل صار مقطوع ..!!