["بدر العجمي"]

الوقت له وجهين يا دكتور لله العجب=واحد قبيح وجه يادكتور يبهر مزينه
وليا حسبناها طلع شعبان فى سكة رجب=والتوتل اليا من حسبنا كلها ضمن السنه
يبقى الذهب مهما يدور الوقت يا العجمي ذهب=وانته تعين من وجيه الوقت لا خترت احسنه
من خلقت الايام والدنيا وذا حال العرب=الاوله فيها نظر واللي بعدها ممكنه
العين يادكتور تبقى عين فى ضل الهدب=والشعب والسطان دايم يخدمون السلطنه
ياشيخ لا تقول العرب ترا العرب قالو جرب=هذا مثل ياما سمعنافيه عبر الألسنه
السلطنه قابوس فيها يا ابيض الشارب تعب=والشعب راح احزاب حزب الميسره والميمنه
انته تعجب من كلامي مير لله العجب=لكن دور درب والطاروق غير بلحنه
العنكبوت اللى تعرض بيته طاح ونشب=تنسج ولا تسمع ياكون الخرفشه والحنحنه
اللى خسر واللى على الحسبه يابو تركى كسب=والسالفه لا دندنت مافيه غير الدندنه
ما فيه بيت يطيح مهما كان غير وله سبب=واللي يطيح من السما للارض ما ننشد عنه
السالفه يا بو سعد طالع لها راس وذنب=وانته تلزم راسها والا ذنبها ابعد عنه
اثر السلامه ياطويل العمر حظ اللى هرب=وانا بدور سكته وليا لقيته بزبنه
حسبى على راعى الحطب واللى يولع فالحطب=ظاق النسم والجو كله يالعصيمى مدخنه
اللي هرب لو ما هرب يمديه في دربه نشب=وان كان اكله الذيب يا ابو زيد وش نلقى منه
ابو لهب لو شب ناره طاح فيها ابو لهب=والموت سنه للبشر والعمر محدن يضمنه
ابليس يادكتور ساق الحسد فى طبعه غلب=مايزرع الا الشر يادكتور ربى يلعنه
انا حسبت ان الامور ادار والنظره حسب=حسب الخبير اللى يدقق كل شى ومعدنه