[ناثرة الورد]

.. وعليكم السلام ورحمة الله وبركاته ..

أأأأهـ جبتيهـا علي الجـرح ماتاخذين معاكـِ << تتحطم علي لبنان

السكـن : رحت كذا مكان بس احلى مكان سكنت فيهـ هو { كورال سويتس الحمرا } الحلو فيهـ ان بشارع الحمرا يعني لو تنزلين بروحكـِ تتسوقين وتردين ماعليكـِ خوف والاحلى مافيهـ خرابيط وسهر وقبل لاتصعدون قوليلهم يفضون الثلاجهـ احسن عشان ماتقعدين بمكان فيهت حرام ..

وانا حاطهـ صور الفندق بهالموضوع المميز لاخونا فهيد الكفيف عساهـ علي القـوهـ ::

http://www.alajman.ws/vb/showthread.php?t=54958

عندكـ الـروشهـ : مكان يطل علي البحر واحلى وقت لتمشي فيهـ هو بعد المغرب ومشهورهـ بصخرهـ الروشهـ وانا صراحهـ اسميهـ شارع الرومانسيهـ
المطاعم الحلوهـ فيهـ الصيـاد { نظام اسماكـ } والكافي والمطعم اللي ذكرهم اخوي عليل المحبهـ ممتازهـ بس انا مو اكيلهـ لحم عشان كذا تفرجت بس ماكليت


السوليدر : عجيب هالمكان بالليل عقب مايسكر كل شي انصحكـٍ تروحون تتمشون فيهـ حدهـ هادي ويونس للرومانسيهـ وحلو فيهـ القهاوي وانا افضل هكن داز حلو موقعها صراحهـ بس كتسوق وشراي حيل مبالغ فيهـ من ناحيهـ الاسعار بس بذكر المحلات اللي احبها واتعامل معها :

انا احب محل كركبهـ

محل ساميهـ بالسوليدر

..

بحمدون : صراحهـ ماانصحكـِ فيها كلش مافيها شي شارع رايح جاي وكلهـ شباب وخليجين ماتاخذين راحتكـِ فيها ومافيها شي واو

الامكان السياحيهـ الي ذكرها اخوي عليل المحبهـ ممتازهـ وحلوهـ ..

نجـي للسوق

ال Abc و له فرعين القديم في جونيه و الجديد في الاشرفيه

برج حمود (نوعا ما شعبي بس فيهـ اشياء مو طبيعيهـ فتشي فيهـ عدل )

سوق الفردان حلو

شارع الحمرا حدهـ يونـس وفيهـ كل شي

فرن الشباكـ فيهـ بلاوي اشياء روعهـ بس يبيلهـ تنبش



طبعاً المطاعم اللي بذكرها غنيه عن التعريف .. لكن للي بيروح اول مره .. لازم مايطوف هالمطاعم ..
منيــــــــر في برمانه ..
فضيـــــــــع فالصيف والربيع .. المنظر حلو واكله وايد حلو ..
وفالشتى في صاله كبيره .. وللي بيروح فالعيد يفضل يحجز قبل ..

مزتهم كلها حلوه لكن لاتطوفون .. جبود الدجاج بدبس الرمان ..
والقشطه مع الفراوله .. يمـــــي ..

المطعم الثاني منويلا ..
موقعه جونيا ..
افضله انا فالليل .. منظر البحر ومكان يتلامع مع البحر حلو ..
ونفس الشي في قعده داخل وقعد برى ..
اكله مب بمستوى منير لكن حلو ..
تغيــير للي بيطول بلبنان ..




بربر حدهـ رووعه لما تفرفرين وتتعبين اخذي منهـ فطيرهـ يعطيكـِ طاقهـ وتكملين او وانتوا قاعدين لشاي العصر جيبولكم << عجيز قهوتها وشايهـ معاها

وبعد ؟؟
اي للي يبي ياخذ صوغه .. انصحكم ببقالة Goodies تلقون منتجاتهم بعد فالمطار .. عندهم الاجبان والزيتون ودبس الرمان الاصلي .. وهالسوالف مالة اكلهم كلها معلبه ..

ومن احلى الكنافة اللي احنا دايما نشتريها صوغه اذا رحنا لبنان كنافة فندق فينيسيا .. عندهم نوعين دايت او عادي وطعمها روعه وشكلها راقي .. وسعرها نفس الحلاب وفي محل ثاني اسمه امل بحصلي بعد الناس يحبونه بس انا افضل فينيسيا ..

في محل اسمه باقيل شي جذي .. باقاتيل او باقيل .. يبيع ورق عنب خياااااااااااااااااااااااالي .. اهوا المحل مو مطعم ولا شي .. بس ياخذون Orders حق عزايم او حفلات او هالسوالف .. كيكاتهم وايد حلو لكن الورق عنب ماصار! ..

وفي بيكري اسمه كانال .. عندهم كيكات على مكرون .. يعني تخيلو المكرون يكون كبير .. كبر الكيك او محشي فراوله فرش وكريمه واشيا .. وايد لذيذ مره خذينا منه او شلنا لي البحرين فالطياره حطولنا اياه بالثلاجه وصج كان يسوى هالشقله ..

وهالمحلين بالاشرفيه



واي خدمهـ انا حاظرهـ اذا بدكـ شي تؤبريني ترا خبيرهـ بالبنان قولي شو بدكـِ

وتروحون وتردون بالسلامهـ