يا سايقٍ صلف المشاريـه .. سقهـا
ما عاد لي قلـبٍ يشيـل المشاريـه
عذبتنـي .. لكـنّ خذهـا وذقـهـا
من واحد تدفع طموحـه .. عزاويـه
شاعر وعنـده كلمـةٍ .. لا نطقهـا
قامت جماهيـر القصايـد .. تحييـه
هو مصدر ازعاج الخبول .. وقلقهـا
وهو بلسم العقـال .. والحـي يحيـه
وآ كبدي اللي من محقها .. سحقهـا
تواكلت من جـور وقتـي وطاريـه
كم شجـرةٍ يبسـت وحتّـت ورقهـا
وفيني من الشجره طبايـع وتشبيـه
انا حياتـي .. مـا تشالـى أرقهـا
متيّـمٍ باللـي عيـونـي تراعـيـه
يا قلب لا جتـك الهنـوف اعتنقهـا
وان كان راحت .. قول بشويش ياهيه
ما فيـه بنـتٍ استحـق .. آعشقهـا
الا غـلا روح القصيـد ومعانـيـه
سبحـان ربٍ عـن سواهـا فرقهـا
ولبيه لو ما تسمع الصـوت .. لبيـه
خالد وبس اسم على مسمى
وانا بقول صح لسانك ملاييييييين
وهذا القصيد اللي ينطرب له الواحد وبس
اعجابي لاهنت