ياطبيب القلب ماعندك دوا ......... يصلح لفؤاد مجروح الغرام
أشهد اني رحت في يدها هوا ......... ماصفالي لا شراب ولا طعام
من سرح بالقلب وابطى ماضوا ......... انتقم من صاحب القلب إنتقام
يامقــامـي يارفــيع المســتوى ......... إبق في موقعك الاول يامقام
كل ما ذيب الدهـر قدمــك عــوا ......... لد يم البندقيه والحزام
قــول ياسرحــان ملعــون الثـوا ......... كان تبغاها لعانه ياسلام
لو تبي نهرف سوا نهرف سوا ......... أو تبي ناكل بعض راي" تمام
من ورد حوض البلايا وارتوى ......... ماحسب للسقم بعد الإرتطام
جيت أعدل ساق بقعاء والتوى ......... ثم صار النور بعيوني ظلام
هو صحيح الصدر ولّع وانكوى ......... لاكن الصبر القوي فك اللحام
مايشيل الطور عن وادي طوى ......... غير من يحيي رميمات العظام
من قرا العنوان فهم المحتوى ......... غير دلخ" للفهم يحتاج عام