الحب لو كان فـارس كـان نازلتـه
الأرض أرضي وذا الميـدان ميدانـي
الحـب كايـد ولكـنّـي تساهلـتـه
يا لعنبو ذا المحبّه كيـف تجفانـي ؟
احلى تعامـل مـع قلبـك تعاملتـه
وأرقى مشاعر محبّه وسط قيفانـي !
حتى الخط بـس لعيونـك تجاهلتـه
وان زاد همّي علي قلت العمر فانـي
يا نااس قلبـي معذّبتـه ومهملتـه
من بعد ما كان عالي صار متدانـي
( تقول ) : قلبي انا ذالحيـن قافلتـه
يستاهله واحدٍ للحين مـا جانـي !!
( وانا أقول ) : الحكي كلّه تحملتـه
وسريت لجلك طريق الليـل وحدانـي
والموت فزّيت في وجهـه وقابلتـه
لأن العمر بيد ربّي عالـي الشانـي
فكّـرت بالوضـع ورتّبتـه وحللتـه
لقيت كـل النتايـج وضعهـا ثانـي
يا واحدٍ في شعـور الحـبّ بادلتـه
ميّز دروب الوصل عن درب حرماني
للقلب عندك ملف .. خلّص معاملته !
أبغيك تختم علـى قلبـي ووجدانـي
ما دام حبّك مرض تصعب معادلته ؟؟
بأقـول يالله يـا معبـود تبـلانـي
وانا افكــر اختاار ابزر الابياات ، ماشفت نفسي الا مختاره القصيده كلبيها 
صح الله لساانك اخووي مناحي ، وتسلم يمينك على الابياات الجزله ، أبدعت بجداره
تقبل مرووري
شيخــــة المنتدى