راودتني علـى فرقـاك كـل الحـواس=وايدت كل مـا شكيـت فيـك الحسـوس
لا تقول ان شكي فيـك صـار التبـاس=الله اعلم بصـدق وغـش كـل النفـوس
ما دفعني على فرقـاك غيـر الحمـاس=شفت ما رخصك عندي والتجارب ادروس
مـن يطالـع بعينـه ويتجاهـل ايـداس=كل واحد على دوسـه يحـد الضـروس
ياردي المعرفـه يـا ضعيـف المـراس=ما احسب انك بسجن اهل النفاق محبـوس
لين عندي طلع فـي كهربـاك التمـاس=واحرق الكهربا سلـك ٍ وكـاد معكـوس
تذكر العام يوم القـاع ريـف ومسـاس=يوم انا وانت عند الجمس الاخضر جلوس
يوم ورد المحبـه مـا بـدا بـه يبـاس=ناعمات ٍ اغصونـه بالقلـوب مغـروس
يوم عيني وعينـك مـا يجيهـا النعـاس=ما علينا مخافه وانـت منـت محـروس
قصيده غزليه للشاعر /شامان عمر الرشيدي