يابعد من لاعرفت ومن عرفت
يآ أجمل اللحظآت يازين الصدوف
لآ تكذبني ليا مني حلفت
والله إن قلبي على شوفك شغوف
سرت بأرجلي لي على الدنيا وطفت
وذقت من مر الليآلي والحسوف
آتقيوا بالعزآيم غير خفت
يوم شفت البعد شوف و حر جوف
لو يسلفني الزمن كان استلفت
سآعة اللقيا رغم كل الظروف
ويش قومك يوم انا ادعي ماوقفت
والجمايل فيك عشرين معروف
إكتشفت إني أحبك و إكتشفت
إن شوقي فيه حب و فيه خوف
ويوم وآجهتك من الشوق إختلفت
أتكلم وأتلعثم بالحروف
خاف ربك في عذآبي لأقترفت
ذنب حزن اللي عشق وجه الهنوف
شدني تيآر حبك وإنجرفت
والهوآ يانور عيني مايروف
لآتقول إني من الوقت انتصفت
حسبي الله من عنا ذيك الطيوف
تبغي تدري وش عقب فرقاك شفت
غمض عيونك وتدري ويش اشوف
الفرآق الموت ياللي ماعرفت
إن جرحك فاق طعنات السيوف