اهدا من هزااع الى كل متذوقه ومتذوق للشعر الجزل ......
الليل واطراف الشتا والمخاسير = عز الله انها لاوفتني لوافه
والوقت واظروف الليالي المعاسير = واعيون ناس ٍ لاحقتها كلافه
واوجيه ناس ٍ من رجال ٍ معاثير = مالحقها وجه الزمن والصلافه
خلتني آهم الدهر والمشاوير = حسبي عليها لاوفتني لوافه
لكنّ ماحسبتها في المعايير = مثل الجمل مايلتفت للزرافه
يامشتري مني هموم ٍ مشاتير = القلب ضاق وضيقته باعترافه
مر ٍ نوردها ومرّ ٍ مصادير = نرفع بها صدر الزمن وانحرافه
ومرّ ٍ نعشّيها حليب المغاتير = ومرّ ٍ نسرّيها وفيها لقافه
هذي ترى فزعتك ياسالم الزير = والا ( ......... ) ماعليها حسافه
وخوة هل العليا ارجال ٍ مشاهير = حمّاية الخوه بطيب وظرافه
اللي لهم في المجد صوله وتسطير = بشت ٍ يلحّفني ويضفي لحافه
كيفي معي في غربتي لي مناعير = والا ( مينيسوتا ) علي بالنكافه
لكن على الله ماتضيق المدابير = والرجل يصبر لين يلقى نصافه
والحكم حكم الله وهذي مقادير = والله كريم ومانوى بالكلافه
الشاعر:عبيان اليامي
اسميه ما فيه حيله