عرض مشاركة واحدة
  #1  
قديم 06-08-2008, 01:41 AM
ابراهيم آل ربوع ابراهيم آل ربوع غير متصل
 
تاريخ التسجيل: Mar 2005
المشاركات: 16
معدل تقييم المستوى: 0
ابراهيم آل ربوع is on a distinguished road
(((فلا يابري حالي ..تغنيت ولاّ صحت///على من تعدى واظلمت عقبه الدوحه)))

وانا وان عثت بي ناعسات العيـون .. وطحـت=ترى طيحتـي ياصـاح .. ماهـي بمفضوحـه
زحول ٍ غدْت قبلـي تحـط العلالـي .. تحـت=شهدهـا الزمـان .. ونقّـشـت للهوى لـوحـه
طحاطيـح قـوم ٍ خلدّتهـا الرواسـي .. نحـت=اسامي ٍٍ لها فـي الوقـت .. ماشّيـد صروحـه
فكم من شديدٍٍ .. انشحت في المحبـه .. شحـت=فراق .. وجفااا.. وغياب ،، تقضي على روحـه
قلـوبٍ تهيـم .. وعشقهـا مانثـرت وبِـحـت=من اقصى الضلوع تـوّن .. والنوحـه النوحـه
فلامن ذكرت اللـي سبانـي غرامـه .. نِحـت=تنـاااام الأنـام .. ولبّـة القـلـب مجـروحـه
غضيض ٍ عليه اللي سحَت جنس حواا .. سحت=وغيّـب مـن الخفـرات .. طرقـااا ومملوحـه
سقى الله ليـال ٍ فـي عتيمـة دجـاه امرحـت=وضوّح سنااا الولياج مـن وجنتـه .. ضوحـه
ليال ٍ مضْت ويـااا وليـفٍ .. معـاه ارتحـت=نسوج الدروب الخضـر .. والنفـس مشروحـه
لمنّه تضايـق جيـت اداريـه .. واستسمحـت=وليامن جرحته .. قال : (((زلْتـك مدموحـه)))
ثملته .. وعـزالله بدونـه سمْحـت .. وشِحـت=فـلا غيـره مـن الغيـد تطربنـي مـزوحـه
فلااا وااابري حالـي .. تغنيّـت .. ولاَّ صحـت=على مـن تعـدّى .. واظلمـت عقبـه الدوحـه
خذته الليالي غصب وامسيـت مثـل اصبحـت=على الهـم والهاجـوس .. والنفـس مطروحـه
فـلا ياعذولـي كـفّ .. لا شفتنـي سـرّحـت=ولا تعـذل اللـي قاسـم ٍٍ للضـنـااا روحــه
تشمّت .. تشمّت .. دامني فـي هواهـا رحـت=وانا وان طرحني الحب .. بآقول:(((مسموحه)))





رد مع اقتباس