["بدر العجمي"]

ياحبيب خلـك ابحالـة طـوارى=بين ضرس وبين ناب الله يمنهـا
مزعلن عمانك وطاريك طـارى=مادريت ان روسها تحمى وطنهـا
يالله استر عودنا شـل السـواري=ناويٍ اهل اليمـن داخـل يمنهـا
انت تعرفني حبيـب وانتحـاري=لين احط اجنازتك داخـل كفنهـا
اخذ حصة درس من علم البخارى=يوم عـود علمهـا فيهـا ومنهـا
الحـذراى ياحبيـب والحـذارى=لاتهد اشداد ريمـه مـع رسنهـا
في اخر الايام تسمع بانتصـاري=ومن غلط له غطلتٍ يدفع ثمنهـا
عمكم لو قـال احبـك يامشـاري=لاتصدق رطنتـه يومـه رطنهـا
مانذمك وانت تقنـب للضـوارى=والمراعى شربتكـم مـن لبنهـا
خلنا نبنى علـى البيـدا كبـارى=ون لقينـا ام الكبايـر نمتحنـهـا
عاصبٍ راسه وعايش في البراري=والبلاد ابعد كبار الـروس عنهـا
مانخاوي يابدر حمـر العتـاري=ولاكلينا يالسنافـي فـي صحنهـا
المدينـه سوقهـا بايـع وشـارى=كل سلعه ماجهـل مثلـك ثمنهـا
مايزال الوضع يارجـال جـارى=والحبوب الى براسك من طحنهـا
يابدر سريتنا وسط الغداري=يالله استر من تواليها ومنهـا
محتزم لك ياعميلي بالشباري=علم الديره وعلم من سكنهـا
مادرى الى مادرى ولا انت دارى=يوم ابن عـراج بالكيلـه وزنهـا
حاوى ومردود فى كل المسارى=امة الاسلام تطعـن فـى بدنهـا
عودنا دورعلى وعر المسـاري=وقال غيرك ياحبيـب مافطنهـا
من سببنـا درة الناقـه جبـاري=ونعرف العله ونعرف من سحنها