[ابن وعيل]

لعيون ( نجران الغلا) جيت نجران= لعيون اهلها يامي أو غير يامي
ولعيون ربعي واخوياء العمر ولهـان = لعيون كلّ رجال يام الكــرامي
ســـلام يـاواديٍ يسمى بصيحـان = من الخانق لـ (الضيقه) واثني سلامي
جيت انشد (الإخدود)عن مرقب العان = وعن (الحصينــيه)..(وغـابة سقـامي(
(والابرقين) .. (وبير خضراء) لها شان= عدٍّ يسّقي المرجـــله كل ظـامي
ونشدت ( رجلا ) وين هو (شعب برّان) = وذاك الشعيب اللي يسمى (رغـامي)
قالت (حبـــونا) : وقّف شوي .. يافلان = شمّ البخـتري والنـفل والبشامي
ورقيت( رجم رعوم ).. إلاّ.. وقد بان = ( بدر الجنــوب) وشق صدر الظـلامي
قلت ايه !! ذولا .. يام من قدم الأزمان = قلدّهم التــاريخ .. تـاج ووسامي
أهل الوفا والطيب .. ذربين الأيمان = دخيلــهم في ذمتــي مايضـامي
ان قلت يام فقل ســلايل كحـيلان = درع الخــــوي ومسنده والحزامي
الرجل فيهم لا بدا .. طير حـوران = من ماكــر العزّه .. شلع .. ثم حامي
تشوف له بالطيـــب والعزّ برهان= وفعلٍ عجز يوصـفه عذب الكلامي
يمنىً بها جـودٍ مع طيب وإحسان = ويسراً بها جبـر لكسير العظــامي
مدحـي ليام اظنّ مافيه نقصـان = لكل نشـــمي منـزله والمقـــامي
حناّ على مبدا الوفا ربع واخـوان = كان..ابدوي..والاّ احضري..او تهامي
اليا وصلت ليــام ماعدت خســــران = اقـولها صـدق ... وعليّ الحرامي
قالوا وش احلى منطقه ؟ قلت نجران = قالوا وش اصل رجـالها ؟ قلت يـامـي