[سهيل..؟؟]

قصيدة رثاء في المرحوم خالد بن أحمد السديري للشاعر سعيدان بلال آل فطيح قالها في تعزيته الى الأسرة المالكة وعائلة السديري نيابة عن ال بلال وقبيلة آل فطيح في محافظة :

مرحوم يا شيخاً تقــافت رحــايلـــــه ## أبو أحمد اللي ماضـيات جــمايلــه

مشهور فعلـه مـن قــديــم وتــالـــــي ## يشهد له الحاضر بماضي فعـايلـــه

فعله حكـــومتـنـا الرشــيدة تذيــعــه ## تعلن تفاصـيله وتعــلـــن دلايـــلــــه

تشهد بحكمتـه وسخــاه وشجـاعتــه ## والوافع أنـــه وافــيات خصــايلـــه

ولا جــيـد إلا والليــالـــي تــجـيبـــــه ## تصبح تواليها على العمـر مـايلـــه

ذا سالفٍ الـدنيا كفـــا الله شــــرهــا ## وهى وما فيهــا بـــلا خيــر زايلــه

والكلمة التي قالها صاحـــب المثـــل ## إيدين ربـي فـوق الإيدين طــايلــــه

الجسم راح والإسم بـاق وسـيـــرتـــه ## وليا مات رأس العود خـلف بدايلـه

هاذي مثايل جات مـن رأس عاقــل ## لا خير فيمــن لا يحــكــم مثـايلـــه

اخترتها مـن هاجس ثـم سخـرتهـــا ## والهرج عن كثرة تكفي خصايلـــه

13/1/1399هـ