صحيح أن التربية مسؤلية تحتاج لصبر و مجاهدة بس فالمقابل لا تتوقع أنها شيء صعب ومعقد !
بالعكس قمة السهولة .. لأنك تتعامل مع طفل و الطفل مثل العجينة الطرية تشكلها زي ماتبي
ومن أكثر الأشياء خطورة في التربية أن الأب أو الأم يجي في باله أن :
" أنا مب كفو للتربية , أنا ماأقدر أسيطر على ولدي .... " ومن هالحكي
لأن مافيه أحد مثالي و في كل شيء يسويه صح ألا مايجي تقصير من أي ناحية
تكون ردت فعلك مرة خطأ عشرة بعدها صح وزي مايقولون :
" من لم يخطئ لم يجرب شيئاً قط "
يعني ممكن تغلط شوي بتربية الطفل الأول , بس الطفل الثاني تكون تعلمت
-
من أكثر الأمور المُهِمه تنمية الجانب الديني عند طفلك و خصوصاً اننا بعصر أختلط الحابل بالنابل
يعني الطفل لازم يكون متأسس صح عشان مايتأثر بالساهل إذا كبر
وفيه كذا نقطة إذا اخذناها بالأعتبار نقدر نوصل اللي نبي للطفل و بشكل يستوعبه و يحبه , هي :
" ترى ربي بيعاقبك "
كثير و كثييير وأنا منكم نقولها للطفل إذا سوا شيء ماعجبنا
مع أنها أكبر غلطه .. لأن هالشيء يعود الطفل عّ الكلمة فما يستشعرها و تسبب جمود قلب وإهمال
" ادع ربي سامحك " / " أستغفر ربي "
ليش مانستبدلها بذا الكلمات ؟ .. أحلى بعشرين ألف مره صح ؟
يعرف منها عظم رحمة ربي و و يصير فيه جانب منه دائم متصل مع الله
فبدال ماإذا سوا شيء يخاف من اهله قبل ربه بسبب كلام الترهيب .. يصير يسويه و يخاف من ربه قبل اهله بسبب كلام الترغيب
-
طيب ماجربتوا تسولفون عن الرسول مع الأطفال ؟ .. تراهم يحبون يسمعون قصصه لأنهم يدرون أنه شخص غير باقي الأشخاص .. مايعرفون شيء عنه
< ( هالشيء ينقال لنا أكثر من الأطفال نفسهم , الله يخلف بس .. شرايكم نقرا سيرته في رمضان مع الأهل < شطحت )
سولفوا عن قصص تعاطفه مع الأطفال و والخدم و صبره فالمحن و وشجاعته و محبته لامته و أنهُ أخوه
-
فيه شيء بعد رغم اهميته ألا انه بعيد عن البال
ألي هو أننا نعلم الطفل عقيدة الإيمان بالقضاء و القدر, يعني يتعلم أن العمر محدود يعني الصغير ممكن يموت قبل الكبير و العكس وأن الرزق مكتوب عند الله فلا يسأل إلا من عنده الرزق وهو الله
-
جاوب على أسألته بأجوبه تناسب عمره , يعني لو سألك سؤال
تخيل أن الي سألك شخص كبير و جب الاجابة الصح ثم بسطها وسهل الفاظها وجب معها مثال إذا قدرت و جاوبه
لأنه الاطفال مايستوعبون : هذا شرع , هذا دين سماوي , سمعنا واطعنا
هم لازم تعليل فنحاول نبين لهم الاسباب ان قدرنا < ( أفيدوني أنتم بهالنقطة حاولت أجيب مثال ماطاع يجي )
-
وبعد حلو نعلم الطفل كثرة شكر الله لأن الدين كما قال أحد العلماء : نصفه صبر و نصفه شكر
فمثلاً : لو جلست مع ولدك عالغداء تقول له أن ربي رزقنا هالطعام . كيف ؟
الله رزقنا الوظيفة بعدها رزقنا المال به قدرنا نشتري الطعام
و الحياة اليومية ملياااااااانه عن آخرها يالله لك الحمد
-
إذا شفت طفلك يسوي شي محرم .. معلي عّ الأغاني مثلاً لاتزعق عليه " قصر , حرام "
شوي شوي .. بين له أنها حرام , ثم أطلب منه يقصر
إذا عاند , أسكت وأترك المكان بحيث ماتاخذ أثم
بعدها حاول تكرهه فيها : " ماتحس أن الصوت عالي .. الصوت مب حلو .. الصوت مزعج "
إذا وافق عّ الشي وأقتنع , قل أن ربي حرم هالشيء لأنه بالقبح هذا =)
< ( شُكراً مرة اخرى )