قصيده مهداه الى الشاعر محمد ابن الذيب خاصه وقبيلة العجمان عامه.
للشاعر /باني بن سعد السبيعي.
راكب اللي على الطرقه يسليني= جيب لكزس رجحله كل ميزاني
مااشتغل فيه لاهندي ولاصيني= من ياباني يصمم بيد ياباني
وارد البازعي من غير تأميني= يطوي الخط طي افراش عجلاني
ناصين بيت من جاله براهيني= عجمين صار للوقفات عنواني
بالكرم يخلي العجمي مراحيني= وبالشجاعه يوقف كل شيطاني
في خيالي تقول انه يناديني= في لزومن امتعبني وعناني
وقفة امحمد ابن الذيب تكفيني= لاوقف وانثنى العجمي على شاني
لانخيته طويل اذراع ويميني= لاعتزا عن هل الوقفات كفاني
بوه فعله على مدحه مقديني= تشهد ابفعل ابوه الناس من داني
واشهد انهم على الوقفات ضاريني= أخر الطيب ابوه ابماض الازماني
وربعه اللي على الشده سلاطيني= سطروا مجدهم بالسيف شاماني
وان تعلوا على الخيل افشياطيني= ياردون المنايا ورد ضمياني
وشيلتها في قسم الصوتيات. تقبلوا تحياتي