يالله يامنشي المخيل=برقه تكاشف بالغمام
خيره يعم وبه تسيل=دار آل عامر صلب يام
ياما وزا فيها الدخيل=اليوم ومن قبل الكمام
واللي تهقواهم هبيل=في دارهم والا الجهام
حامينها بحد الصقيل=بأيمانهم يشضى العضام
عز الخوي وأوفى عميل=والجار حقه مايضام
وأردى حقوق الضيف حيل=يوم الفقر عذر الخمام
كسابة العلم الجميل=فازوبها قدر ومقام
من خوتي مبغى دليل=ماهو كلام في كلام
يالعامري مالك عديل=مكانتك راس السنام
عبدالهادي سعد الدوسري