[منصور الرويلي]

أطلقت لافكاري لجام الاعّنه = حتى تبلور من نسمها قصيده
قررت أقــّطـع قيد الافكار لّنه = يزهِد ليا حبْسِت نفوسٍ زهيده
دام الجمال أغطاه والشعر فّنه = أمنتك الله يا الافكار العنيده
طيف الخيال بغيهن وهقّنه = في ظرف نظره الف فكره جديده
روحٍ تبوح السر؟ روحٍ تكنّه = من كنتّه للبوح صارت تِسّيده
أما فهمت اللي ذكرت ونسّنه = والا أكرر ماتقول وتعيده
لقيت عذرك للمواعيد كنّه = يقول ماكانت وعــّوده اكيده
خيول فكري قيدهن حطمّنه = وبين الرجا والياس حطمت قيده
أطلقت زرقن وبلهن سيلنّه = مقسوم لي لو كان ماكنت أريده
خانن رموشً دمعهن وقفنّه = ياصعب والله دمع خطو الوليده
رجيتهن مايرسلن وأرسلّنه = حتى غرق خدي بنار الوقيده
حسبي عليهن بالعهد خونّنه = وخانتني الدمعه وصارت اكيده
لمحتها من فوق رمشً بلنّه = نظرات عبدً خان في عهد سْيده
آهات صدري والجروح الاسّنه = تزارقن صدري بغصت وريده
عزيت خفاقٍ همومه حدّنه = شح الوفا وخان العضيد بعضيده
عــزآه من جور الليال أبعــّدنه = يلين لو قلبه سوات الحديده
لاصار ماهدومك جسدك أسترّنه = من عاد ترجي هم قلبك يفيده
كلن على الثاني حسامه يسـّنه = ملعون راعي التفرقه والمكيده
مثل الجميل اللي تقفاه مــّـنه = حت الورق والريح صاح بجــّريده
الاسئله وحـلـولـهـن دوّرنه = وضاع الجواب بظــل جمـله مفـيده

.



.