عرض مشاركة واحدة
  #1  
قديم 18-04-2011, 11:00 AM
مشتاق لعيونك مشتاق لعيونك غير متصل
 
تاريخ التسجيل: Mar 2011
المشاركات: 12
معدل تقييم المستوى: 0
مشتاق لعيونك is on a distinguished road
ما تدرين - للشاعر مسفر الدوسري

قصيدة ما تدرين للشاعر المبدع مسفر الدوسري من تصميمي واخراجي
اتمنى إن ينال هذا العمل البسيط إعجاب الجميع




ما تدرين . . ؟
كنتي ما تدرين .
اني كنت لحظتها حزين .
يوم جيتي بكل بياض حريتك
انا كنت في قلب احزاني سجين
ويوم جيتي بكل طاهر مزونك
انا كنت لحظتها اخونك
مع جفافي وجرحي
في صمتي الدفين
وانتي كنتي تسولفين وتسولفين
كنتي مليانه بهاء
وانا فارغ إلا من اوراق صفراء
وجذع اثل مرمي
وحس ليل وآة سكين
وانتي ما تدرين .
كنتي ما تدرين .
كان عطرك يشعل الدنيا حرايق
يعيد تجميل الكلام
كان يغزل من تفاصيل الرغبه
آهات وحمام
وكنت انا بارد وشارد
مر عطرك في يدي برد وسلام
ما ولع ثيابي ما علق اهدابي
واحرمها المنام
ما طير يديني فراش
وما صلبني بين حلاله والحرام
تتخيلين مر عطر في يدي برد وسلام
كنت لحظتها هجين من سراب وطين
وانتي ما تدرين .
كنتي ما تدرين .
ليلتها كانت ضحتك ميناء
وشراع ونوارس
كانت احلى من اغاني عرس
ومن نسيم يمر هامس
ضحتك كانت مثل وجه شمس بليل دامس
كان لها في وعصافير وعبير
ومع هذا ما اسحرتني
عيت بقلبي تلامس
اي احساس وشعور
او تدوزن فيني هاجس
كنت لما ابتسم واجاملك
كان وجهي بداخلي
قطعه من حنضل ويابس
كان عابس وانا حابس
في كفوف الصبر حزني
ما ابي تدرين
اني كنت ذيك اللحظه
محبط منكسر مسكين
وانتي ما تدرين
يا عيوني انا آسف
كنت ذيك الليله جاحد
نعمه الوصل وحنانك
وما تيسر من رضاك وماك
وسحر الياسمين
انا آسف .
اعتذرلك اعتذر لإحساس شوقك
صبح قلبك
والعطر والجمر والتين
انا آسف .
كثر ما فاتني ذاك المساء
من حنانك والحنين
كثر ما عمري نقص ذاك المساء
نور وسنين
كثر ما اخطي عليك
وانتي دايم تغفرين
كثر ما ابقى غروب بلحظتك
وانت دوم بلحظتي
يالحبيبه تشرقين .
رد مع اقتباس