السلام عليكم ورحمة الله وبركاته
أخواني الكرام ... خواتي الكريمات
أسأل الله العلي العظيم أن يوفقنا ويفق أبناء قبيلتنا لما فيه خير لهذا الوطن وللقبيله
كلكم يعلم أن أبناء القبائل الأخرى تنخى وتزهم لربعها وأنا شخصيا كلمني صديق عزيز علي من أحد القبائل يزهم لولد عمه ولكن صدقوني خذتني الحميه مثل ما أنا متأكد ان حميتكم أكثر
أحبتي في الله ... اللي منكم عنده أحد من الأقليات وعندهم ديوانيه لايتردد ويبخل على اللجنة الأعلاميه ويتصل فيهم ترى الموضوع باقي عليه شهر وبعدين يا تقولون كفو نجحوا ربعنا أو بتقولون يا حسافة
أنا متفائل مثل ما الأخوان بدو حملتهم بكلمة متفاءلون ... وصدقوني كلنا نسعى لنفس الهدف ولننسى الخلافات الشخصيه واليوم كلنا واحد
أنا... د. محمد الحويله
أنا... عبدالله البرغش
أنا... عبدالله بن شرفان
أنا... محمد العبيد
ماعاد فيها الا شي واحد يجمعكم وجدكم واحد فلا تخلون ربعكم تكفون ؟
أنا على يقين أن الاخوان اللي زكتهم القبيله هم الأصلح ولا قصور بالباقي ولكن الأغلبيه ارتأت ذلك والحين لازم نوقف مع رأي الاغلبيه
موعدنا وموعدكم باب التصويت 17/5/2008 وكل واحد يشد حزامه
خواتي المحترمات .. لاتستهينون بالوضع وتقولون ما حنا مصوتين وقفوا مع بين عمكم وشوفوا ربعكم بالداوم ولا جيرانكم ولاتخلون ربعكم
الله يوحد صفنا ويجمعنا على طاعة الله .. امين
تحياتي